راولپنڈی: ڈریپ نے غیر قانونی ادویات کا دھندہ کرنے والوں کے گرد گھیرا تنگ کرنے کا فیصلہ کرلیا ہے۔

ڈریپ ذرائع نے بتایا ہے کہ غیر قانونی اور غیر معیاری ادویات کے خلاف ملک گیر کریک ڈاؤن کا فیصلہ کیا گیا ہے، غیر قانونی ادویات خاتمے کا ہدف نیشنل ٹاسک فورس کے سپرد کردیا گیا ہے۔

ذرائع کے مطابق نیشنل ٹاسک فورس نے ملک گیر کریک ڈاؤن کیلئے ہوم ورک مکمل کرلیا ہے،نیشنل ٹاسک فورس صوبائی محکمہ صحت کے ہمراہ کارروائیاں کرے گی۔

ڈریپ ذرائع کا کہنا ہے کہ ملک گیر کریک ڈاؤن کیلئے ڈریپ کے صوبائی دفاتر کو ہدایات جاری کردی گئی ہیں، نیشنل ٹاسک فورس خفیہ اطلاعات پر ملک بھر میں چھاپے مارے گی۔

ذرائع نے بتایا کہ آپریشن سے قبل بڑے شہروں کی میڈیسن مارکیٹس میں سرویلنس جاری ہے، کراچی، حیدر آباد اور لاہور کی میڈیسن مارکیٹ میں چھاپے مارے جانے کا امکان ہے۔

اس کے علاوہ راولپنڈی، فیصل آباد، کوئٹہ اور پشاور کی میڈیسن مارکیٹ میں بھی چھاپوں کا امکان ہے۔

ذرائع کے مطابق آپریشن کیلئے وفاق، صوبائی میڈیسن انسپکٹوریٹ میں تعاون بڑھایا جائے گا اور قانون شکن عناصر کے خلاف ڈریپ ایکٹ کے تحت مقدمات درج ہونگے۔

ڈریپ ذرائع نے مزید کہا کہ نیشنل ٹاسک فورس کی ملک گیر کارروائیوں کی یومیہ رپورٹ تیار ہو گی اور نیشنل ٹاسک فورس یومیہ کارکردگی رپورٹ سی ای او ڈریپ کو بھجوائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں