پاکستانیوں کے لئے ایک اور بُری خبر آ گئی ہے۔

تفصیلات کے مطابق رواں سال ملک میں کپاس کی پیداور میں نمایاں کمی کا امکان ہے جس کے باعث ملکی ٹیکسٹال ایکسپورٹ میں بھی کمی ہو سکتی ہے۔

سفید مکھی اور بارشوں سے کپاس کی فصل کو شدید نقصان پہنچا ہے جس کے باعث پیداوار میں کمی کا امکان ظہار کیا جارہا ہے۔

ذرائع کا کہنا ہے کہ کپاس کا پیداواری ہدف ایک کروڑ 27 لاکھ بیلز حاصل نہ ہونے کے امکان ہے، رواں سال ہدف سے 37 لاکھ بیلز کم پیداوار ہوگی اور کپاس کی کُل پیداوار 90 لاکھ بیلز تک محدود رہنے کے امکانات ہیں۔

محکمہ موسمیات کی طرف سے درجہ حرارت میں غیر متوقع اضافے کے بارے میں پیشگوئی نہ ہونا اور سفید مکھی کے حملے میں اضافہ موجودہ صورت حال کا باعث بنا ہے۔

تاجروں کا کہنا ہے کہ روئی کی قیمتیں 500 روپے فی من مندی کے بعد پنجاب میں 19 ہزار جبکہ سندھ میں 18 ہزار روپے فی من تک گر گئیں۔

انہوں نے کہا کہ رواں کاٹن سیزن کے آغاز پر میعاری کپاس کی وجہ سے بڑے پیمانے پر ایکسپورٹ کے سودے ہوئے ہیں اور 7 ہزار 500 کاٹن بیلز ایکسپورٹ ہو چکی ہیں  تاہم سفید مکھی کے حملے کے سبب روئی کا میعار گرنے کی وجہ سے مزید کاٹن بیلز کے سودے منسوخ ہو رہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں