منافع بخش اداروں کے شیئرز مقامی و عالمی مارکیٹ میں فروخت کرنے کا پلان

عمر حیات خان

11th Jan, 2024. 11:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

منافع بخش اداروں کے شیئرز مقامی و عالمی مارکیٹ میں فروخت کرنے کا پلان

منافع بخش حکومتی ملکیتی اداروں کے شیئرز مقامی اور عالمی مارکیٹ میں فروخت کرنے کا پلان بنا لیا گیا ہے۔

ذرائع وزارت خزانہ کے مطابق او جی ڈی سی ایل، پاکستان پیٹرولیم لمیٹڈ سمیت 7 منافع بخش اداروں کے شیئرز فروخت کر کے 1 ارب ڈالر سے زائد حاصل کرنے کی تجویز دی گئی ہے۔

ذرائع کا کہنا ہے کہ منافع بخش اداروں کے شیئرز مقامی اور عالمی مارکیٹ میں فروخت کرنے کا پلان بنایا گیا ہے، تاہم بڑے منافع بخش اداروں کے زیادہ شیئرز عالمی مارکیٹ میں فروخت کیے جائیں گے۔

یہ بھی پڑھیں: حکومتی ملکیتی اداروں کے نقصانات 500 ارب روپے تک پہنچ گئے، نگران وزیر خزانہ

اس کے علاوہ سروسز سیکٹر، پیٹرولیم سیکٹر، پاور سیکٹر کے شیئرز عالمی مارکیٹ میں فروخت کیے جا سکتے ہیں۔

ذرائع وزارت خزانہ نے بتایا کہ 7 منافع بخش اداروں کے شیئرز فروخت کر کے زرمبادلہ ذخائر میں بہتری لانے کی تجویز ہے۔

ذرائع کا مزید کہنا ہے کہ نگران حکومت کے دوران ہی منافع بخش حکومتی ملکیتی اداروں کے شیئرز فروخت کیے جانے کا امکان ہے، تاہم اداروں کے شیئرز فروخت کرنے کی تجویز پر آئی ایم ایف کو بھی اعتماد میں لیا جائے گا۔