پیاز کی قیمتوں سے متعلق اہم خبر

Now Reading:

پیاز کی قیمتوں سے متعلق انتہائی اہم خبر آ گئی ہے۔

تفصیلات کے مطابق ملک میں پیاز کی قیمت کنٹرول کرنے کیلئے پیاز کی کم از کم برآمدی قیمت 1200 ڈالر فی ٹن کر دی گئی۔

وزارت تجارت پاکستان نے اس حوالے سے نوٹیفکیشن بھی جاری کردیا جس کے مطابق پیاز کی کم از کم برآمدی قیمت 750 ڈالر سے بڑھا کر 1200 ڈالر کر دی گئی ہے۔

برآمد کنندگان کو پیاز کی ادائیگی پیشگی لاناہوگی اور نوٹیفکیشن کا اطلاق اس سلسلے میں آئندہ فیصلے تک برقرار رہے گا۔

پیاز کی برآمدی قیمت کو روپے میں منتقل کریں تو پیاز کی کم از کم فی کلو قیمت 210 روپے سے بڑھا کر تقریباً 340 روپے کیے جانے کا فیصلہ کیا گیا ہے۔

واضح رہے کہ بازاروں میں فی کلو پیاز کا سرکاری ریٹ 175 روپے ہے جبکہ دکانوں میں 230 سے 250 میں فروخت ہو رہی ہے۔