وفاقی ٹیکس محتسب نے ٹیکس گزاروں کی یاس کو آس میں بدلنے کےعزم کا اظہار کرتے ہوئےسالانہ رپورٹ پبلک کردی۔

رپورٹ میں کہا گیا ہے کہ بدنیتی پرمبنی ٹیکس نوٹس بھجوانے پرپندرہ افسران کےخلاف کاروائی کی گئی۔

وفاقی ٹیکس محتسب کی مشاورتی کمیٹی کےممبر ڈاکٹر فیاض رانجھا نے دیگر عہدیداران کےہمراہ لاہور میں پریس کانفرنس کی۔

انہوں نے سالانہ رپورٹ پبلک کرتے ہوئے بتایاکہ وفاقی ٹیکس محتسب نے ٹیکس گزار کو مہمان کادرجہ دینے کےلئے سفارشات دی ہیں جس پر عمل درآمد شروع کردیاگیا، بدنیتی پرمبنی ٹیکس نوٹس بھجوانے پرپندرہ افسران کےخلاف کاروائی کی گئی۔

پریس کانفرنس سے خطاب کرتے ہوئے وفاقی ٹیکس محتسب کےمشیر خالد جاوید اور عالیہ رحمن نےبتایاکہ وفاقی ٹیکس محتسب کےآسان، سستے اور فوری انصاف کی فراہمی کے احکامات سے آٹھ ہزار ایک سو درخواست گزاروں کو ریلیف ملا، کسٹم اور انکم ٹیکس کےاربوں روپے کےاضافی ٹیکسز کو واپس کرایاگیا۔

پریس کانفرنس سے خطاب میں ان کاکہناتھاکہ سٹیل سیکٹر میں بڑے پیمانے پر ٹیکس بے ضابطگیوں پرازخود نوٹس لئے،زمین جائیداد پر لگائے گئے غیرضروری ٹیکسز پرنوٹس لےکرنئے ریٹس لاگو کرائے جارہے ہیں،فلاحی اداروں کےلئےپچاس فیصد مریضوں کامفت علاج کرنا قانونی تقاضا ہے،پچاس فیصد مفت علاج نہ کرنے والے اداروں کوقانونی ضابطے میں لانے کےلئےاقدامات کئے گئے،بجلی بلوں میں اضافی ٹیکسز کاجائزہ لے کر سفارشات تیار کی جارہی ہیں۔