صارفین کیلئے گیس مزید مہنگی کرنے کی تیاری

ملک سعید اعوان

17th Mar, 2024. 03:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صارفین کیلئے گیس مزید مہنگی کرنے کی تیاری

اسلام آباد: آئندہ مالی سال سے سندھ اور بلوچستان کے صارفین کیلئے گیس مزید مہنگی کرنے کی تیاری کر لی گئی ہے۔

سوئی سدرن گیس کمپنی (ایس ایس جی سی) نے آئندہ مالی سال سے سندھ اور بلوچستان کے لیے گیس مزید مہنگی کرنے کی تیاریاں شروع کر دی ہیں، تاہم اس حوالے سے اوگرا میں درخواست بھی دائر کردی گئی ہے۔

اوگرا کو دی گئی درخواست میں سوئی سدرن گیس کمپنی نے یکم جولائی 2024 سے گیس مزید مہنگی کرنے کی درخواست کرتے ہوئے گیس کی قیمت میں 324.03 روپے فی ایم ایم بی ٹی یو اضافے کی اجازت مانگی ہے۔

ایس ایس جی سی نے نئی اوسط گیس قیمت 1740.80 روپے مقرر کرنے کی درخواست کی ہے۔

درخواست میں سوئی سدرن کا 79 ارب 63 کروڑ روپے ریونیو شارٹ فال کا تخمینہ ظاہر کیا گیا ہے جس میں مقامی گیس کی مد میں ریونیوشارٹ فال کا تخمینہ 56 ارب 69 کروڑ روپے جبکہ آر ایل این جی کے شارٹ فال کا تخمینہ 22 ارب 93 کروڑ 50 لاکھ روپے لگایا گیا ہے۔

واضح رہے کہ اوگرا سوئی سدرن کی درخواست پر کل کراچی میں سماعت کرے گا جبکہ اوگرا کی جانب سے درخواست پر 20 مارچ کو کوئٹہ میں بھی سماعت کی جائے گی۔