حکومت نے بجلی کی قیمتوں میں کمی سے متعلق بڑی خوشخبری سنادی

ویب ڈیسک

05th Jul, 2024. 01:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت نے بجلی کی قیمتوں میں کمی سے متعلق بڑی خوشخبری سنادی

حکومت نے بجلی کی قیمتوں میں کمی سے متعلق بڑی خوشخبری سنادی ہے۔

وفاقی وزیر توانائی اویس لغاری نے سینیٹ اجلاس میں اظہار خیال کرتے ہوئے کہا کہ جنوری کے بعد بجلی کی قیمتیں کم ہونگی۔

انہوں نے کہا کہ لائن لاسز والے علاقوں میں لوڈ شیڈنگ ہو رہی ہے، لوڈشیڈنگ کا صوبائی حقوق کے ساتھ کوئی تعلق نہیں۔

اویس لغاری نے کہا کہ بلوچستان کو 10 ہزار میگاواٹ بجلی دینے کو تیار ہیں، ہمیں سالانہ 600 ارب روپے کا نقصان ہو رہا ہے، اگر پیسے نہیں ملیں گے تو بجلی کیسے دیں گے۔

وفاقی وزیر توانائی نے کہا کہ بجلی کی قیمتوں میں اضافے سے متعلق خبریں گردش کر رہی ہیں، پچھلے 3 سال میں پروٹیکٹڈ صارفین کیلئے بجلی کی قیمتوں میں اضافہ نہیں ہوا، امید ہے آہستہ آہستہ مسائل پر قابو پالیں گے۔

انہوں نے کہا کہ اچھی ریکوری والے علاقے میں 21 گھنٹے بجلی بحال رہتی ہے، نقصانات کی حد رکھنے کیلئے لوڈشیڈنگ کی جارہی ہے، نیشنل گرڈ کا کسی صوبے سے کوئی تعلق نہیں۔

وفاقی وزیر توانائی نے کہا کہ بجلی کی قیمت کا بوجھ حکومت نے برداشت کیا ہے، آئیسکو ریجن میں زیادہ مسائل نہیں، حکومت کی کوشش ہے عوام پر بوجھ نہ ڈالا جائے۔