ترسیلات زر پاکستانی معیشت کا اہم ممکنہ ستون قرار

عمر حیات خان

24th Aug, 2024. 03:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ترسیلات زر پاکستانی معیشت کا اہم ممکنہ ستون قرار

اسلام آباد: ایشیائی ترقیاتی بینک نے ترسیلات زر کو پاکستانی معیشت کا اہم ممکنہ ستون قرار دے دیا۔

ایشیائی ترقیاتی بینک (اے ڈی بی) نے پاکستان میں ترسیلات زر سے متعلق بلاگ رپورٹ جاری کردی ہے، اے ڈی بی نے ترسیلات زر کو پاکستانی معیشت کا اہم ممکنہ ستون بھی قرار دے دیا ہے۔

ایشیائی ترقیاتی بینک کا کہنا ہے کہ پاکستانی ترسیلات زر قومی پیداوار کا 10 فیصد کے مساوی ہیں، کورونا وباء میں ترسیلات زر 19.8 فیصد اضافے سے 31.1 ارب ڈالر ریکارڈ کیا گیا ہے۔

رپورٹ میں کہا گیا ہے کہ ترسیلات زرغربت میں کمی وار زرمبادلہ بڑھانے کا کلیدی زریعہ ہے جب کہ اے ڈی بی نے سمندر پار پاکستانیوں کو مزید ترغیبات دینے کی سفارش کردی ہے۔

اے ڈی بی کا کہنا تھا کہ معاشی بحرانوں اور اتار چڑھاؤ کے دوران ترسیلات زر پر انحصار ممکن ہے جب کہ پالیسی اقدامات ترسیلات زر کو سرمایہ کاری میں تبدیل کرسکتے ہیں۔

رپورٹ میں مزید کہا گیا ہے کہ معیشت کی پیداواری صلاحیت اور معاشی ترقی کی شرح میں اضافہ ہوگا، پاکستان کو بیرونی ادائیگیوں کے توازن میں مشکلات کا سامنا رہتا ہے۔