زرمبادلہ کے ذخائر میں 2 کروڑ 40 لاکھ ڈالر کا اضافہ
کراچی: زرمبادلہ کے سرکاری ذخائر میں گزشتہ ہفتہ کے دوران 2 کروڑ 40 لاکھ ڈالر کا اضافہ ریکارڈ۔
اسٹیٹ بینک کی جانب سے زرمبادلہ کے ذخائر کے اعداد و شمار کی ہفتہ وار رپورٹ جاری کردی گئی ہے۔
اسٹیٹ بینک کے مطابق زرمبادلہ کے سرکاری ذخائر میں گذشتہ ہفتہ کے دوران 2 کروڑ 40 لاکھ ڈالر کا اضافہ ہوا جب کہ 20 ستمبر تک زرمبادلہ کے سرکاری ذخائر کی مالیت 9 ارب 53 کروڑ 36 لاکھ ڈالر ریکارڈ کی گئی۔
اسٹیٹ بینک نے بتایا کہ کمرشل بینکوں کے ذخائر میں 2 کروڑ 26 لاکھ ڈالر کا اضافہ ہوا جب کہ کمرشل بینکوں کے پاس 5 ارب 33 کروڑ 95 لاکھ ڈالر کے ذخائر موجود ہیں۔
اسٹیٹ بینک آف پاکستان کا مزید کہنا تھا کہ زرمبادلہ کے مجموعی ملکی ذخائر 14 ارب 87 کروڑ 31 لاکھ ڈالر کی سطح پر ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
