آئی ٹی کی برآمدات میں 33.54 فیصد اضافہ ریکارڈ

ملک سعید اعوان

21st Oct, 2024. 06:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ٹی کی برآمدات میں 33.54 فیصد اضافہ ریکارڈ

اسلام آباد: مالی سال کے پہلی سہ ماہی میں آئی ٹی کی برآمدات میں 33.54 فیصد کا اضافہ ریکارڈ کیا گیا ہے۔

مالی سال کے پہلی سہ ماہی جولائی تا ستمبر کے دوران آئی ٹی کی برآمدات 33.54 فیصد اضافے کے ساتھ 876 ملین ڈالرز تک پہنچ گئیں ہیں جب کہ گذشتہ مالی سال کی پہلی سہ ماہی میں آئی ٹی کی برآمدات 656 ملین ڈالرز تھیں۔

ستمبر 2024 میں آئی ٹی کی برآمدی ترسیلات میں 292 ملین ڈالرز کا اضافہ ہوا، آئی ٹی برآمدات میں گذشتہ سال ستمبر کے مہینے کے مقابلے میں 41.7 فی صد کا اضافہ ریکارڈ ہوا جب کہ گذشتہ مالی سال ستمبر میں آئی ٹی برآمدات 206 ملین ڈالرز تھیں۔

وزیر مملکت شزہ فاطمہ کہتی ہیں کہ آئی ٹی برآمدات میں اضافے کے لیے حکومتی اقدامات جاری ہیں، حکومت کے کاروبار کرنے میں آسانی کے لیے اقدامات کی بدولت ہماری آئی ٹی برآمدات میں اضافہ ہو رہا ہے۔

شزہ فاطمہ نے بتایا کہ وزیراعظم پاکستان کی ہدایت اور ایس آئی ایف سی کی بھر پور معاونت سے اقدامات لئے جارہے ہیں۔

انہوں نے مزید کہا کہ وزارت آئی ٹی، پاکستان سافٹ ویئر ایکسپورٹ بورڈ اور آئی ٹی انڈسٹری آئی ٹی کی برآمدات میں اضافہ کے لیے کوشاں ہیں۔