روپے کی قدر میں اضافہ؛ حکومت کا بیرونی قرض کم ہوگیا

کفیل احمد

08th Oct, 2024. 04:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روپے کی قدر میں اضافہ؛ حکومت کا بیرونی قرض کم ہوگیا

کراچی: روپے کی قدر میں اضافے کے سبب حکومت کا بیرونی قرض کم ہوگیا ہے۔

اسٹیٹ بینک آف پاکستان نے وفاقی حکومت کے قرض تفصیلات جاری کردی ہیں جس کے مطابق حکومت کا قرض اگست 2024 تک 70 ہزار 362 ارب روپے ہے۔

اگست 2024 میں حکومت نے 739 ارب روپے قرض لیا ہے جب کہ حکومت نے اگست میں 623 ارب روپے کا مقامی قرض لیا ہے۔

اگست 2024 تک حکومت کا مقامی قرض 48339 ارب روپے ہے جب کہ اگست 2024 تک حکومت کا بیرونی قرض 22023 ارب روپے ہے۔

اگست 2024 میں حکومت نے 116 ارب روپے بیرونی قرض لیا ہے، رواں مالی سال کے ابتدائی دو مہینوں میں حکومت نے 1448 ارب روپے قرض لیا ہے۔

حکومتی قرض اور جی ڈی پی تناسب رواں سال اگست میں 65 فیصد تک رہا ہے جب کہ حکومی قرض اور جی ڈی پی کا تناسب گزشتہ برس اگست میں 73 فیصد تھا۔

قرض اور جی ڈی پی تناسب میں کمی بیرونی قرض کم ہونے کے سبب ہے، روپے کی قدر میں اضافے کے سبب حکومت کا بیرونی قرض کم ہوا ہے۔