ٹیکس گیپ پر قابو پانے کا مشن؛ ایف بی آر نے اضافی عملہ و لاجسٹکس مانگ لیا

عمر حیات خان

04th Feb, 2025. 04:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹیکس گیپ پر قابو پانے کا مشن؛ ایف بی آر نے اضافی عملہ و لاجسٹکس مانگ لیا

ایف بی آر کو 2 ماہ میں عدالتوں میں پھنسے 250 ارب روپے موصول ہونے کی امید

اسلام آباد: ایف بی آر نے ملک میں سالانہ 7 ہزار ارب روپے تک ٹیکس گیپ پر قابو پانے کے لیے اضافی عملہ و لاجسٹکس مانگ لیں۔

حکام کے مطابق ایف بی آر نے ٹیکس لیکج روکنے کے لئے اضافی عملہ و لاجسٹکس مانگ لیں ہیں جب کہ ایف بی آر کا ٹیکس چوری کے خلاف فیلڈ آپریشن اور انفورسمنٹ بڑھانے کا پلان ہے۔

ایف بی آر کا کہنا ہے کہ ملک بھر میں مجموعی طور پر 25 ٹیکس دفاتر ناکافی ہیں اور ٹیکس مشینری کو ہر 200 روپے آمدن کے بدلے صرف 1 روپیہ ملتا ہے۔

حکام نے بتایا کہ بھارت میں ٹیکس آپریشنز پر مجموعی ریونیو کا 1.5 فیصد خرچ ہوتا ہے، پاکستان میں ٹیکس آپریشنز پر اخراجات صرف 0.44 فیصد کے مساوی ہیں۔

ایف بی آر نے کہا کہ ملک کے تمام اضلاع میں ٹیکس امور کی نگرانی کے لئے مشکلات کا سامنا ہے، 2023-24 میں پنجاب ریونیو اتھارٹی کا سالانہ ٹیکس ہدف 240 ارب تھا۔

ایف بی آر کا کہنا تھا کہ صوبائی محکمے میں تنخواہیں و مراعات ہم سے 20 گنا زیادہ ہیں جب کہ چینی، سیمنٹ، تمباکو اور کھاد سیکٹر کی نگرانی کے لئے صرف چند گاڑیاں ہیں۔