مہنگائی کی شرح میں معمولی اضافہ ریکارڈ

عمر حیات خان

21st Feb, 2025. 03:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مہنگائی کی شرح میں معمولی اضافہ ریکارڈ

اسلام آباد: ایک ہفتے کے دوران مہنگائی کی شرح میں 0.27 فیصد کا اضافہ ریکارڈ کیا گیا ہے۔

ادارہ شماریات نے ہفتہ وار بنیادوں پر مہنگائی کے اعداد و شمار جاری کر دیے ہیں جس کے مطابق ایک ہفتے کے دوران مہنگائی کی شرح میں 0.27 فیصد کا اضافہ ریکارڈ کیا گیا جب کہ مہنگائی بڑھنے کی سالانہ مجموعی شرح 1.21 فیصد ریکارڈ کی گئی۔

ادارہ شماریات کے مطابق ایک ہفتے میں 11 اشیاء کی قیمتوں میں اضافہ ریکارڈ کیا گیا، 16 اشیاء کی قیمتوں میں کمی اور 24 اشیاء کی قیمتوں میں استحکام رہا۔

مہنگی ہونے والی اشیاء

ایک ہفتے میں انڈے کی فی درجن قیمت میں 20 روپے تک کا اضافہ ہوا جب کہ زندہ مرغی کی فی کلو قیمت میں 20 روپے سے زائد کا اضافہ ہوا۔

ایک ہفتے میں لہسن کی قیمت میں آٹھ روپے تک کا اضافہ ریکارڈ کیا گیا جب کہ چینی کی فی کلو قیمت میں ایک روپے تک کا اضافہ ریکارڈ کیا گیا۔

سستی ہونے والی اشیاء

ایک ہفتے میں ٹماٹر کی فی کلو قیمت میں ایک روپے 58 پیسے کی کمی ہوئی، دال چنا کی فی کلو قیمت میں چار روپے تک کی کمی ریکارڈ کی گئی جب کہ پیاز فی کلو ایک روپے تک سستی ہوئی۔

علاوہ ازیں ایک ہفتے میں دال ماش کی فی کلو قیمت میں تین روپے تک کی کمی ہوئی اور ایل پی جی کا گھریلو سلنڈر 18 روپے تک سستا ہوا۔