کراچی: پاکستان اسٹاک ایکسچینج میں زبردست تیزی کے بعد کاروبار کا اختتام ہوا جب کہ انڈیکس میں 1530 پوائنٹس کا اضافہ ریکارڈ کیا گیا۔
پاکستان اسٹاک ایکسچینج میں کاروباری ہفتے کے پہلے روز بھرپور تیزی دیکھنے میں آئی، جہاں کے ایس ای 100 انڈیکس 1530 پوائنٹس کے نمایاں اضافے کے ساتھ 1 لاکھ 16 ہزار 390 پوائنٹس پر بند ہوا۔
پیر کو کاروبار کے دوران انڈیکس کی بلند ترین سطح 116,494 جب کہ کم ترین سطح 115,246 پوائنٹس ریکارڈ کی گئی۔
مارکیٹ میں آج 27 ارب روپے مالیت کے 48 کروڑ شیئرز کا کاروبار ہوا جب کہ مجموعی طور پر 455 کمپنیوں کے حصص کی خرید و فروخت ہوئی۔ ان میں سے 247 کمپنیوں کے شیئرز کی قیمتوں میں اضافہ، 145 میں کمی اور 63 میں استحکام رہا۔
سرمایہ کاروں کی جانب سے سیمنٹ، کیمیکل، کمرشل بینکس اور ریفائنری سمیت اہم شعبوں میں نمایاں خریداری دیکھنے میں آئی جس کے باعث مارکیٹ کا مجموعی رجحان مثبت رہا۔
Advertisement
واضح رہے کہ گذشتہ ہفتے انڈیکس 1 لاکھ 14 ہزار 853 پوائنٹس پر بند ہوا تھا جس کے مقابلے میں آج کی تیزی نمایاں بہتری کو ظاہر کرتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
