فیڈرل بورڈ آف ریونیو (ایف بی آر) میں نان کیڈر افسران کے احتجاج کی اصل وجوہات سامنے آگئی ہیں۔

بول نیوز ایف بی آر میں نان کیڈر افسران کے احتجاج کی ایکسکلوزیو تفصیلات سامنے لے آیا، ذرائع نے بتایا ہے کہ کیڈر افسران کی مراعات نان کیڈر افسران کے مقابلے میں چار گنا زیادہ ہیں جس کی وجہ سے نان کیڈر افسران سراپا احتجاج ہیں۔

ذرائع کے مطابق وزیر اعظم شہباز شریف نے ایف بی آر کیڈر افسران کیلئے ریوارڈ سسٹم کی منظوری دی جس کے مطابق کیڈر افسران کو ریوارڈ کے طور پر سالانہ زیادہ سے زیادہ 48 بنیادی تنخواہیں ملیں گی جبکہ نان کیڈر افسران کو سالانہ 8 بنیادی تنخواہیں ملیں گے، تاہم 48 اور 8 کے فرق کی وجہ سے ایف بی آر ملازمین سراپا احتجاج ہیں۔

ذرائع کا کہنا ہے کہ گریڈ 17 اور اسس سے اوپر کے افسران کامن پول فنڈز سے ماہانہ 45 سے 70 ہزار الگ سے حاصل کریں گے جبکہ گریڈ 16 یا اس سے نیچے کے ملازمین کا کامن پول فنڈ میں کوئی حصہ نہیں، پوائنٹ آف سیل کی رسیوں سے حاصل 1 روپیہ فی رسید کامن پول فنڈ ہے۔

ذرائع نے مزید بتایا کہ کیڈر افسران کو ماہانہ رینٹل اپارٹمنٹ کی بھی آفر دی گئی ہے، کیڈر افسران ہائرنگ سمیت ماہانہ ڈیڑھ سے اڑھائی لاکھ کرایہ پر اپارٹمنٹ بھی حاصل کرسکتے ہیں۔

واضح رہے کہ گریڈ 20 کے کیڈر افسر کی بنیادی تںخواہ 2 لاکھ روپے ہے، تاہم کیڈر افسران سالانہ لاکھوں روپے تنخواہ کے علاوہ حاصل کریں گے۔