مہنگائی کی شرح میں معمولی کمی ریکارڈ

ویب ڈیسک

18th Apr, 2025. 03:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مہنگائی کی شرح میں معمولی کمی ریکارڈ

اسلام آباد: مہنگائی کی شرح میں ہفتہ وار بنیادوں پر 0.69 فیصد کمی ریکارڈ کی گئی ہے۔

ادارہ شماریات کی جانب سے جاری کردہ تازہ ہفتہ وار رپورٹ کے مطابق ایک ہفتے میں مہنگائی کی شرح میں 0.69 فیصد کی نمایاں کمی ریکارڈ کی گئی ہے جبکہ سالانہ بنیادوں پر مہنگائی کی شرح منفی 2.72 فیصد تک آگئی ہے۔

رپورٹ کے مطابق گذشتہ ہفتے 51 بنیادی اشیاء کا جائزہ لیا گیا، جن میں سے15 اشیاء کی قیمتوں میں اضافہ اور 18 اشیاء سستی ہوئیں جب کہ 17 اشیاء کی قیمتوں میں استحکام رہا۔

سستی ہونے والی نمایاں اشیاء

زندہ مرغی کی قیمت میں فی کلو 55 روپے تک کمی ہوئی اور ٹماٹر فی کلو 16 روپے سے زائد سستے ہوئے جب کہ پیاز فی کلو6 روپے اور لہسن کی قیمت میں 42 روپے فی کلو کمی ہوئی۔

آٹے کا 20 کلو تھیلا 40 روپے تک سستا ہوا جب کہ چینی میں فی کلو 49 پیسے کی کمی ہوئی۔ اس کے علاوہ آلو، چاول، گھی، خوردنی تیل اور دال ماش بھی سستی ہونے والی اشیاء میں شامل ہیں۔

مہنگی ہونے والی اشیاء

بیف کی قیمت میں 7 روپے فی کلو، مٹن کی قیمت میں10 روپے فی کلو اور جلانے کی لکڑی سمیت دال مونگ اور تازہ دودھ کی قیمتوں میں بھی اضافہ ریکارڈ کیا گیا۔