مارچ 2025 میں تجارتی خسارے میں کمی ریکارڈ
کراچی: مارچ 2025 میں تجارتی خسارے میں کمی ریکارڈ کی گئی ہے۔
ادارہ شماریات کی رپورٹ کے مطابق مارچ 2025 میں تجارتی خسارے میں 8 فیصد کمی واقع ہوئی جو کہ 2.11 ارب ڈالر رہا۔
ادارہ شماریات نے بتایا کہ یہ کمی فروری کے مقابلے میں آئی ہے جس سے ملک کی معاشی صورتحال میں بہتری کی علامت ظاہر ہو رہی ہے۔
رپورٹ میں بتایا گیا ہے کہ مارچ 2025 میں درآمدات میں ماہانہ 1 فیصد کمی آئی اور یہ 4.73 ارب ڈالر تک پہنچ گئیں جب کہ برآمدات میں ماہانہ 5 فیصد اضافہ ہوا اور یہ 2.61 ارب ڈالر تک پہنچیں۔
ادارہ شماریات کا کہنا ہے کہ رواں مالی سال کے پہلے 9 ماہ میں تجارتی خسارے میں 5 فیصد اضافہ ریکارڈ کیا گیا جو کہ 17.90 ارب ڈالر رہا۔ گزشتہ مالی سال کے 9 ماہ میں تجارتی خسارہ 17.12 ارب ڈالر تھا۔
Advertisement
رپورٹ میں مزید بتایا گیا کہ برآمدات میں 8 فیصد کا اضافہ دیکھنے کو ملا جو کہ 24.69 ارب ڈالر رہی جب کہ درآمدات میں 6 فیصد کا اضافہ ہوا جو کہ 42.59 ارب ڈالر تک پہنچا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
