اسرائیل ایران جنگ کے اثرات؛ ڈالر کی قیمت میں مزید اضافہ

کفیل احمد

13th Jun, 2025. 02:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیل ایران جنگ کے اثرات؛ ڈالر کی قیمت میں مزید اضافہ

اسرائیل اور ایران کے درمیان جاری کشیدگی کے باعث پاکستانی معیشت پر منفی اثرات مرتب ہو رہے ہیں۔

آج انٹربینک مارکیٹ میں امریکی ڈالر کی قیمت میں 28 پیسے کا اضافہ دیکھا گیا، جس کے بعد ڈالر کی قیمت 282.67 روپے سے بڑھ کر 282.95 روپے تک پہنچ گئی۔

یہ اضافہ روپے کی قدر میں کمی کی عکاسی کرتا ہے اور درآمدات مہنگی ہونے کا خدشہ پیدا کرتا ہے، جس سے مہنگائی مزید بڑھنے کے امکانات ہیں۔

واضح رہے کہ ڈالر کی بڑھتی ہوئی قیمت کا تعلق عالمی مارکیٹ میں غیر یقینی صورتحال اور خاص طور پر مشرق وسطیٰ میں کشیدگی سے ہے، جہاں ایران پر اسرائیلی حملوں کے بعد تیل اور دیگر عالمی اشیاء کی قیمتوں میں بھی اضافہ ہوا ہے۔

مزید پڑھیں: اسرائیل کے ایران پر حملے کا معاشی اثر، اسٹاک مارکیٹ شدید مندی کا شکار

اس کے علاوہ سرمایہ کار غیر یقینی ماحول کی وجہ سے محفوظ سرمایہ کاری کے لیے امریکی ڈالر کی طرف رجحان کر رہے ہیں، جس سے ڈالر کی طلب میں اضافہ ہوا ہے۔

ماہرین کا کہنا ہے کہ اگر خطے کی صورتحال کشیدہ رہی تو روپے پر دباؤ مزید بڑھ سکتا ہے، جس کے نتیجے میں پاکستان کی مہنگائی اور اقتصادی مشکلات میں اضافہ ہو سکتا ہے، حکومت کو چاہیے کہ وہ اس صورتحال سے نمٹنے کے لیے مؤثر اقتصادی حکمت عملی اپنائے اور مالی مارکیٹ کو مستحکم رکھنے کے اقدامات کرے۔