اسلام آباد: مالی سال 2025-26 میں ایوان صدر کے باغات کی دیکھ بھال کے لیے بجٹ میں اضافہ تجویز کیا گیا ہے۔
وفاقی بجٹ 2025-26 میں ایوانِ صدر کے مختلف اخراجات میں نمایاں اضافے کی تجاویز سامنے آگئی ہیں جن میں باغات کی دیکھ بھال، صدارتی دورے، ڈسپینسری اور صدر کے ذاتی اخراجات شامل ہیں۔
ایوانِ صدر کے باغات کی دیکھ بھال کے لیے رواں سال کے بجٹ میں اضافے کی تجویز دی گئی ہے۔ گزشتہ بجٹ میں اس مد کے لیے 6 کروڑ روپے مختص کیے گئے تھے جنہیں آئندہ مالی سال کے لیے بڑھا کر 10 کروڑ 51 لاکھ روپے کرنے کی تجویز دی گئی ہے۔
Advertisement
یہ بھی پڑھیں: بجٹ 2025-26؛ کابینہ کے جاری اخراجات میں دوگنا اضافہ تجویز
صدارتی ڈسپینسری کے قیام و انتظام کے لیے بھی بجٹ میں اضافہ تجویز کیا گیا ہے۔ اس مد میں6 کروڑ روپے سے بڑھا کر7 کروڑ 80 لاکھ روپے رکھنے کی تجویز دی گئی ہے۔
ایوانِ صدر سے متعلق صدارتی دوروں کے لیے بھی بجٹ میں نمایاں اضافہ کیا جا رہا ہے۔ پچھلے بجٹ میں 2 کروڑ 90 لاکھ روپے رکھے گئے تھے جنہیں اب بڑھا کر5 کروڑ 10 لاکھ روپے کرنے کی سفارش کی گئی ہے۔
سب سے قابلِ توجہ اضافہ صدرِ مملکت کے ذاتی اخراجات کی مد میں سامنے آیا ہے، جہاں 12 کروڑ 47 لاکھ روپے سے بجٹ بڑھا کر21 کروڑ 27 لاکھ روپے کرنے کی تجویز دی گئی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
