گزشتہ سات ماہ کے دوران پیٹرول کی قیمت میں چھ بار اضافہ، چار بار کمی اور تین بار قیمتوں میں استحکام رہا جبکہ اسی عرصے میں ڈیزل کی قیمت میں پانچ بار اضافہ، چار بار کمی اور چار بار قیمتیں برقرار رہیں۔

یکم جنوری کے مقابلے میں 16 جولائی کو پیٹرول کی قیمت میں 19 روپے 49 پیسے اور ڈیزل کی قیمت میں 26 روپے 1 پیسے اضافہ ہوا ہے۔

یکم جنوری کو پیٹرول کی قیمت 252 روپے 66 پیسے جبکہ ڈیزل کی قیمت 258 روپے 34 پیسے مقرر کی گئی تھی جبکہ اس کے بعد مختلف تاریخوں پر قیمتوں میں کمی و اضافہ درج ذیل رہا۔

سولہ جنوری کو پیٹرول 256 روپے 13 پیسے، ڈیزل 260 روپے 95 پیسے مقرر ہوئی جبکہ یکم فروری کو پیٹرول 257 روپے 13 پیسے، ڈیزل 267 روپے 95 پیسے مقرر ہوئی اور سولہ فروری کو پیٹرول 256 روپے 13 پیسے، ڈیزل 263 روپے 95 پیسے مقرر ہوئی۔

اس کے علاوہ یکم مارچ کو پیٹرول 255 روپے 63 پیسے، ڈیزل 259 روپے 64 پیسے مقرر، سولہ مارچ کو پیٹرول 255 روپے 63 پیسے، ڈیزل 258 روپے 64 پیسے مقرر، یکم اپریل کو پیٹرول 254 روپے 63 پیسے، ڈیزل 258 روپے 64 پیسے مقرر جبکہ سولہ اپریل کو پیٹرول 254 روپے 63 پیسے، ڈیزل 258 روپے 64 پیسے مقرر ہوئی۔

یکم مئی کو پیٹرول 252 روپے 63 پیسے، ڈیزل 256 روپے 64 پیسے مقرر، سولہ مئی کو پیٹرول 252 روپے 63 پیسے، ڈیزل 254 روپے 64 پیسے، یکم جون کو پیٹرول 253 روپے 63 پیسے، ڈیزل 254 روپے 64 پیسے، سولہ جون کو پیٹرول 258 روپے 43 پیسے، ڈیزل 262 روپے 59 پیسے، یکم جولائی کو پیٹرول 266 روپے 79 پیسے، ڈیزل 272 روپے 98 پیسے اور سولہ جولائی کو پیٹرول 272 روپے 15 پیسے، ڈیزل 284 روپے 35 پیسے مقرر ہوئی۔

اس دوران پیٹرول اور ڈیزل کی قیمتوں میں اتار چڑھاؤ نے صارفین اور صنعتوں دونوں پر اثرات مرتب کیے ہیں جبکہ حکومت کی جانب سے قیمتوں کے تعین کے حوالے سے متواتر اقدامات بھی دیکھنے میں آئے۔