کراچی سمیت ملک بھر کے بجلی صارفین کے لیے خوشخبری ہے، نیپرا نے بجلی کے بنیادی نرخوں میں کمی کی حکومتی درخواست منظور کرلی ہے۔

نیشنل الیکٹرک پاور ریگولیٹری اتھارٹی (نیپرا) کی جانب سے بجلی کے بنیادی ٹیرف میں اوسطاً 1.14 روپے فی یونٹ کمی کی گئی ہے، جس کا اطلاق یکم جولائی 2025 سے ہوگا۔

پاور ڈویژن نے ملک بھر میں یکساں نرخوں کے لیے درخواست دی تھی، جس پر نیپرا نے گزشتہ روز سماعت کے بعد فیصلہ وفاقی حکومت کو نوٹیفکیشن کے لیے بھجوا دیا ہے، کمی کے بعد زیادہ سے زیادہ فی یونٹ ٹیرف 1.16 روپے تک کم ہوگا۔

نئے گھریلو ٹیرف کی تفصیل:

ایک سے 100 یونٹ (پروٹیکٹڈ): 1.15 روپے کمی سے 10.54 روپے

101 سے 200 یونٹ (پروٹیکٹڈ): 1.15 روپے کمی سے 13.01 روپے

ایک سے 100 یونٹ (نان پروٹیکٹڈ): 1.15 روپے کمی سے 22.44 روپے

101 سے 200 یونٹ (نان پروٹیکٹڈ): 1.16 روپے کمی سے 28.91 روپے

201 سے 300 یونٹ: 1.16 روپے کمی سے 33.10 روپے

301 سے 400 یونٹ: 1.16 روپے کمی سے 37.99 روپے

401 سے 500 یونٹ: 1.14 روپے کمی سے 40.22 روپے

501 سے 600 یونٹ: 1.16 روپے کمی سے 41.62 روپے

601 سے 700 یونٹ: 1.16 روپے کمی سے 42.76 روپے

700 یونٹ سے زائد: 1.15 روپے کمی سے 47.69 روپے ہوجائے گا۔

لائف لائن صارفین:

ٹیکسوں کو ملا کر سیلب کے حساب سے فی یونٹ ٹیرف کی قیمت بڑھ جائے گی، ماہانہ 50 یونٹ تک کے گھریلو لائف لائن صارفین کے لیے 3.95 روپے فی یونٹ ٹیرف برقرار ہے جبکہ ماہانہ51 سے 100 یونٹ تک لائف لائن صارفین کے لیے ٹیرف7.74 روپے فی یونٹ برقرار رہے گا۔

ماہرین کے مطابق اگرچہ بنیادی ٹیرف میں کمی کی گئی ہے لیکن سیلز ٹیکس اور دیگر محصولات کی وجہ سے صارفین کو بلوں میں مکمل کمی کا فائدہ فوری طور پر محسوس نہیں ہوگا۔