ایک ہفتے میں مہنگائی کی شرح میں معمولی کمی، 18 اشیاء مہنگی اور 8 سستی ہوئیں

ویب ڈیسک

22nd Aug, 2025. 04:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایک ہفتے میں مہنگائی کی شرح میں معمولی کمی، 18 اشیاء مہنگی اور 8 سستی ہوئیں

اسلام آباد: ادارہ شماریات کے مطابق ایک ہفتے میں مہنگائی کی شرح میں معمولی کمی جب کہ 18 اشیاء مہنگی اور 8 سستی ہوئیں۔

ادارہ شماریات نے ہفتہ وار بنیادوں پر مہنگائی کے تازہ اعداد و شمار جاری کردیے ہیں جس کے مطابق ایک ہفتے کے دوران مہنگائی کی شرح میں 0.01 فیصد کی معمولی کمی ریکارڈ کی گئی۔ سالانہ بنیادوں پر مہنگائی کی شرح 2.30 فیصد تک جا پہنچی۔

18 اشیاء کی قیمتوں میں اضافہ

اعداد و شمار کے مطابق گزشتہ ہفتے کے دوران 18 ضروری اشیاء کی قیمتوں میں اضافہ ہوا۔ ٹماٹر فی کلو 21 روپے تک مہنگے ہوئے جب کہ پیاز کی قیمت میں 7 روپے فی کلو کا اضافہ ہوا۔ اسی طرح 20 کلو آٹے کا تھیلا 140 روپے تک مہنگا ہوا۔

یہ بھی پڑھیں: مہنگائی کی شرح میں معمولی اضافہ ریکارڈ

ادارہ شماریات نے بتایا کہ لہسن فی کلو 11 روپے اور چینی فی کلو 2 روپے 15 پیسے تک بڑھ گئی۔ انڈے، ایل پی جی کا گھریلو سلنڈر، ٹوٹا باسمتی چاول اور تازہ دودھ بھی مہنگی ہونے والی اشیاء میں شامل ہیں۔

8 اشیاء سستی اور 25 کی قیمتوں میں استحکام

رپورٹ میں کہا گیا ہے کہ ایک ہفتے میں 8 اشیاء کی قیمتوں میں کمی ریکارڈ کی گئی جن میں ہائی اسپیڈ ڈیزل، بجلی کی فی یونٹ قیمت، دال ماش اور دال مونگ شامل ہیں۔ اسی دوران 25 اشیاء کی قیمتیں مستحکم رہیں۔