اٹلس ہونڈا نے پاکستان میں 2026 کے لیے سی جی 125 کے تین نئے ماڈلز لانچ کردیے۔

پاکستان میں موٹر سائیکل کے شوقین افراد کے لیے بڑی خبر، اٹلس ہونڈا نے مشہور سی جی 125 کے 2026 ماڈلز متعارف کرا دیے ہیں۔

کمپنی نے اس بار تین ویریئنٹس لانچ کیے ہیں تاہم انجن پہلے کی طرح ہی رکھا گیا ہے۔

سی جی 125 کے 2026 کے لیے ماڈلز اور قیمتیں

کمپنی کے مطابق سی جی 125کی قیمت 2 لاکھ 38 ہزار 500، سی جی 125 ایس سیلف اسٹارٹ کی 2 لاکھ 86 ہزار 900 اور سی جی 125 ایس گولڈ ایڈیشن کی قیمت 2 لاکھ 96 ہزار 900 روپے ہے۔

یہ بھی پڑھیں: صرف 6 ہزار 500 روپے ماہانہ میں ہونڈا موٹرسائیکل حاصل کرنے کا سنہری موقع

یہ ماڈلز بنیادی طور پر نئے اسٹیکرز اور کاسمیٹک تبدیلیوں کے ساتھ پیش کیے گئے ہیں جب کہ انجن میں کوئی ٹیکنیکل اپ گریڈ شامل نہیں کیا گیا۔

سی جی 150 کی حالیہ لانچ اور دلچسپ بحث

یہ لانچ اس وقت سامنے آئی ہے جب اٹلس ہونڈا نے جولائی میں سی جی 150 متعارف کرایا تھا۔ سی جی 150 کا ڈیزائن پرانی ہونڈا سی ڈی 200 روڈ ماسٹر سے کافی مشابہہ قرار دیا جا رہا ہے۔

حیران کن طور پر اب بھی اچھی حالت والے روڈ ماسٹرز استعمال شدہ مارکیٹ میں 4 لاکھ روپے سے زائد میں فروخت ہو رہے ہیں جو تقریباً نئے سی جی 150 کی قیمت کے برابر ہے۔

سی جی 150 انجن کی تفصیلات

کمپنی کے مطابق سی جی 150 میں 4 اسٹروک، 150 ایس او ایچ سی سی سی ایئر کولڈ انجن دیا گیا ہے جو 7,500 آر پی ایم پر 8.75 (11.9 پی ایس) کلو واٹ پاور اور 6,000 آر پی ایم پر 12.5 این ایم ٹارک پیدا کرتا ہے۔