اسٹاک مارکیٹ میں تیزی؛ 100 انڈیکس ایک لاکھ 56 ہزار کی نئی تاریخی حد عبور کر گیا

کفیل احمد

08th Sep, 2025. 11:49 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسٹاک مارکیٹ میں تیزی؛ 100 انڈیکس ایک لاکھ 56 ہزار کی نئی تاریخی حد عبور کر گیا

پاکستان اسٹاک ایکسچینج (پی ایس ایکس) میں ریکارڈ توڑ تیزی کا سلسلہ جاری ہے، کاروباری ہفتے کے پہلے روز زبردست تیزی دیکھنے میں آرہی ہے۔

پاکستان اسٹاک مارکیٹ میں دن کے آغاز سے ہی زبردست تیزی کا رجحان دیکھنے میں آ رہا ہے، جہاں 100 انڈیکس 1600 پوائنٹس کے اضافے کے ساتھ 1 لاکھ 56 ہزار پوائنٹس کی تاریخی بلند ترین سطح پر پہنچ گیا۔

تجارتی ہفتے کے دوران سرمایہ کاروں کا اعتماد بحال ہوتا نظر آیا، جس کی ایک بڑی وجہ وزیراعظم پاکستان کا حالیہ دورہ چین قرار دیا جا رہا ہے۔

مزید پڑھیں: پاکستان اسٹاک ایکسچینج نے بلندیوں کا نیا ریکارڈ قائم کردیا

سرمایہ کاروں کی جانب سے مارکیٹ میں بھرپور دلچسپی دیکھی گئی، بالخصوص آئل اور گیس سیکٹر میں نمایاں خریداری کا رجحان رہا۔

مارکیٹ کے ماہرین اور بروکرز کے مطابق حکومت کی جانب سے گردشی قرضوں میں کمی کے لیے سنجیدہ اقدامات، معاشی پالیسیوں میں استحکام اور بین الاقوامی سرمایہ کاری کے امکانات نے مارکیٹ کو سہارا دیا ہے۔

سرمایہ کاروں کا کہنا ہے کہ اگر یہی رجحان برقرار رہا تو مارکیٹ آنے والے دنوں میں مزید بلندیوں کو چھو سکتی ہے۔