معیشت کے لئے بڑی خوشخبری؛ پاور سیکٹر کے گردشی قرضے کم کرنے کے لئے 1275 ارب کا معاہدہ

کفیل احمد

23rd Sep, 2025. 05:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معیشت کے لئے بڑی خوشخبری؛ پاور سیکٹر کے گردشی قرضے کم کرنے کے لئے 1275 ارب کا معاہدہ

کراچی: پاکستان کی معیشت کیلئے اہم پیشرفت سامنے آئی ہے، کل (24 ستمبر) کو پاور سیکٹر کے گردشی قرضوں پر قابو پانے کے لیے حکومت اور بینکوں کے درمیان 1275 ارب روپے کے قرض معاہدے پر دستخط ہوں گے۔

یہ تقریب وزیراعظم آفس میں منعقد ہوگی، جس میں وزیراعظم شہباز شریف ورچوئل شرکت کریں گے۔

اس حوالے سے سینٹرل پاور پرچیزنگ ایجنسی (سی پی پی اے) نے اسٹیک ہولڈرز کو باضابطہ طور پر دعوت نامہ جاری کر دیا ہے جو بول نیوز کو موصول ہوا۔ خط میں کہا گیا ہے کہ تقریب کا وقت وزیراعظم کی دستیابی کے مطابق رکھا جائے گا۔

یہ بھی پڑھیں: پاور سیکٹر میں جاری مالی بحران نے شدت اختیار کر لی، سرکلر ڈیٹ میں بڑا اضافہ

ذرائع کے مطابق اس تقریب میں وفاقی وزراء برائے خزانہ، منصوبہ بندی، توانائی اور نجکاری سمیت پاور سیکٹر ٹاسک فورس کے سربراہ شریک ہوں گے۔

اس کے علاوہ ورلڈ بینک، ایشیائی ترقیاتی بینک اور آئی ایم ایف کے مشن ہیڈز کو بھی مدعو کیا گیا ہے۔

تقریب میں گورنر اسٹیٹ بینک، 18 بینکوں کے صدور اور مختلف ڈسکوز کے سربراہان بھی موجود ہوں گے۔

ماہرین کا کہنا ہے کہ یہ معاہدہ پاور سیکٹر میں گردشی قرضوں کے دیرینہ مسئلے کو حل کرنے اور معیشت میں استحکام کی طرف ایک اہم قدم ہوگا۔