غیر معیاری ایندھن استعمال کرنے والی صنعتوں کیخلاف سخت ترین ایکشن لئے جانے کا حکم نامہ جاری کردیا گیا۔

 تفصیلات کے مطابق شہر لاہور  میں بڑھتی ہوئی اسموگ  کے پیش نظر ایک اہم اجلاس منعقد ہوا جس میں کمشنر لاہور محمد عامر جان نے انسداد اسموگ کے حوالے سے اہم ہدایات جاری کیں۔  اس اجلاس میں غیر معیاری ایندھن  استعمال کرنے والی صنعتوں کے خلاف سخت ترین ایکشن لینے کا حکم  جاری کیا گیاہے۔

 اجلاس کے دوران کمشنر لاہور محمد عامر جان نے ڈویژن کو بریفنگ دیتے ہوئے کہا کہ شہر میں دھواں چھوڑنے والی گاڑیوں کیخلاف موثر کاروائی نہیں ہورہی ہے ۔

کمشنر محمد عامر نے عدم اطمینان  کا اظہار کرتے ہوئے سیکرٹری آر ٹی اے سے دھواں چھوڑنے والی گاڑیوں کیخلاف قائم چیک پوسٹوں کی فہرست بھی طلب کرلی۔

 انھوں نے بتایا کہ اسموگ  کا ریجنل پہلو نہایت اہم ہے، انتظامیہ کو انسداد کیلئے اپنے حصے کا کام ہر صورت سوفیصد کرنا ہوگا انتظامیہ یا شہریوں کی غفلت صورتحال کو شدید متاثر کرسکتی  لہزا ڈی سیز  کے ذریعے اس پر فوری عملدرآمد کروایا جائے۔

کمشنر لاہور نے  واضح کیا کہ کوڑے ۔کچرے۔پتوں یا فصلوں کو آگ لگانے والوں کےخلاف سخت کاروائیاں کی جائیں گی اورانسداد سموگ کی جانب سے جاری کردہ  ہدایات کی خلاف ورزی  کرنے پر 1 ماہ میں 1 کروڑ 18 لاکھ روپے  تک کا جرمانہ عائد کیا جائے گا ۔

 انھوں نے اجلاس میں مزید کہا کہ غیر معیاری ایندھن کے استعمال پر صنعتی یونٹس کیخلاف بھی سخت ترین ایکشن لیا جائے۔ علاوہ ازیں فہرستوں کے مطابق چیک پوسٹوں اور اسکواڈز کی کاروائیوں کو اچانک چیک کیا جائے گا۔

 کمشنرمحمد عامرجان نے شہر یوں سے تعاون کرنے اور انتظامیہ کا ساتھ دینےکی ہدایت دیتے ہوئے یقین دہانی کرائی کہ اطلاع فراہم کرنے پر بروقت ایکشن لیا جائے گا۔

 لاہور میں منعقد اس اجلاس میں ایڈیشنل کمشنر سندس ارشاد،اے ڈی سی جی نازیہ موہل،اے سی جی عبدالسلام عارف،پی ایس او امیر علی،ڈی او ماحولیات علی اعجاز،اور تمام اےسیز  نے شرکت کی  تاہم ڈی سیز نے بزریعہ ویڈیولنک اس اجلاس میں شریک رہے۔