بول نیوز کے صحافی شاہد اسلم کا 2 روزہ جسمانی ریمانڈ منظور کرلیا گیا ہے۔

تفصیلات کے مطابق گزشتہ رات لاہور سے گرفتار کئے جانے والے بول نیوز کے صحافی شاہد اسلم کو آج سول جوڈیشل میجسٹریٹ عمر شبیر کی عدالت میں پیش کیا گیا۔

سماعت کے دوران وکیل شاہد اسلم  کا کہنا تھا کہ صحافی شاہد اسلم کسی قسم کے ڈیٹا لیک میں ملوث نہیں ہیں جس کے جواب میں ایف آئی اے کے وکیل کا کہنا تھا کہ سابق آرمی چیف جنرل قمر جاوید باجوہ کے خلاف ڈیٹا جاری کرنے سے پاکستان کی عالمی میڈیا میں بدنامی ہوئی ہے اور ہمارے پاس شواہد ہیں کہ ڈیٹا دیا گیا ہے۔

آزادی صحافت پر ایک اور وار

Advertisement

بول نیوز کے صحافی شاہد اسلم کا FIA کے الزامات سے انکار #BOLNews #ShahidAslam pic.twitter.com/0IqFb4KiY4

— BOL Network (@BOLNETWORK) January 14, 2023

ایف آئی اے کے وکیل کا کہنا تھا کہ ہمیں لیپ ٹاپ سمیت دیگر تکینیکی آلات کی برآمدگی کے لئے جسمانی ریمانڈ چاہئے جس پر شاہد اسلم کے وکیل نے کہا کہ اسلام آباد ہائی کورٹ کسی صحافی کو گرفتار کرنے کے لئے ایس او پیز طے کرواچکی ہے  تاہم ایف آئی اے کی طرف سے گرفتاری تو دور کی بات پہلے پی ایف یوجے کو اعتماد میں لینا ضروری قراردیا جاچکا ہے۔

یہ بھی پڑھیں: بول نیوز کے صحافی شاہد اسلم لاہور سے گرفتار

صحافی کے وکیل کا کہنا تھا کہ ایف آئی اے کے پاس ڈیٹا منتقل کرنے کا کوئی ثبوت ہے تو وہ عدالت میں پیش کریں، ایک مشکوک الزام پر گرفتار کرنا اور جسمانی ریمانڈ مانگنا غیر قانونی ہے، میں ذمہ دار صحافی ہوں میں نے کسی کا کوئی ٹیکس ڈیٹا کسی کو نہیں دیا  ہے۔

بعدازاں سول جج عمر شبیر نے کیس پر محفوظ فیصلہ سناتے ہوئے صحافی شاہد اسلم کا دو روزہ جسمانی ریمانڈ دے دیا ہے۔

شاہد اسلم کمپیوٹر کا پاسورڈ نہیں دے رہے، ایف آئی اے کی شکایات
بول نیوز کے صحافی شاہد اسلم کا جسمانی ریمانڈ منظور #BOLNews #ShahidAslam pic.twitter.com/aEy7aIdEg3

— BOL Network (@BOLNETWORK) January 14, 2023

خیال رہے کہ بول نیوز کے صحافی شاہد اسلم نے عدالت کے باہر بات کرتے ہوئے کہا ہے کہ میں نے احمد نورانی کو ڈیٹا ٹرانسفر نہیں کیا ہے ۔

انہوں نے بتایا کہ ایف آئی اے کے پاس میری طرف سے سے ڈیٹا ٹرانسفر کرنے کا ثبوت نہیں ہے۔