تحریک انصاف کے رہنما شہباز گل کی حفاظتی ضمانت میں 20 فروری تک توسیع کردی گئی ہے۔

تفصیلات کے مطابق لاہور ہائیکورٹ تحریک انصاف کے رہنماء شہباز گل کی درخواست پر مقدمات کے ریکارڈز کی فراہمی کے معاملے پر لاہور ہائیکورٹ کے جسٹس طارق سلیم شیخ نے سماعت کی۔

دوران سماعت تحریک انصاف کے رہنما شہباز گل کے وکیل رمضان چوہدری نے دلائل دئیے اور مؤقف پیش کیا کہ جوائنٹ سیکرٹری داخلہ کی رپورٹ نامکمل اور معلومات ادھوری ہیں۔

یہ بھی پڑھیں: میرے خلاف درج مقدمات کی ادھوری تفصیلات دی گئیں، شہباز گل

انہوں نے کہا ہے کہ شہباز گل کیخلاف دو مقدمات بلوچستان، پانچ سندھ اور پانچ مقدمات پنجاب میں درج ہونے کی رپورٹ دی گئی ہے جبکہ اسلام آباد میں بھی دو مقدمات درج ہونے کی رپورٹ داخل کی گئی ہے۔

انہوں نے بتایا کہ فراہم کردہ رپورٹ میں جان بوجھ کر ادھوری معلومات دی گئیں تاہم عدالت تفصیلی رپورٹ پیش کرنے کا حکم دے ۔

بعدازاں عدالت نے تحریک انصاف کے رہنما شہباز گل کی حفاظتی ضمانت میں 20 فروری تک توسیع کردی ہے۔

دوران سماعت شہباز گل کے وکلاء نے وفاقی سیکرٹری داخلہ کی رپورٹ کو نامکمل قرار دے دیا ہے جبکہ عدالت نے وفاقی وزارت داخلہ کو شہباز گل کے خلاف درج مقدمات کی تفصیلی رپورٹ پیش کرنے کا حکم بھی دے دیا ہے۔

یہ بھی پڑھیں: شہباز گل کے خلاف27 فروری کو فردِ جرم عائد کرنے کا فیصلہ