اثاثہ جات کیس؛ آغا سراج درانی کی فوری سماعت کی درخواست منظور

عبدالحسیب خان

06th Jul, 2023. 11:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اثاثہ جات کیس؛ آغا سراج درانی کی فوری سماعت کی درخواست منظور

سندھ ہائی کورٹ نے اسپیکر سندھ اسمبلی آغا سراج درانی کے خلاف اثاثہ جات کیس کی فوری سماعت کی درخواست منظور کرلی ہے۔

تفصیلات کے مطابق سندھ ہائی کورٹ میں آغا سراج درانی کے خلاف آمدن سے زائد اثاثے بنانے کے ریفرنس کی درخواست ضمانت کی سماعت ہوئی۔

عدالت نے اسپیکر سندھ اسمبلی آغا سراج درانی کی فوری سماعت کی درخواست منظور کرلی۔

دوران سماعت جعفر رضا ایڈووکیٹ نے کہا کہ آغا سراج درانی ایک سال 8 ماہ جیل میں گزار چکے ہیں، اتنی مدت جیل میں گزارنے پر ملزم ضمانت کا مستحق ہے۔

یہ بھی پڑھیں: سپریم کورٹ، آغا سراج درانی نے اپنی درخواست ضمانت واپس لے لی

آغا سراج درانی کے وکیل نے موقف اختیار کیا کہ درخواست ضمانت کی سماعت فوری بنیادوں پر ایک ہفتے میں کی جائے۔

نیب پراسیکیوٹر نے کہا کہ تفتیشی افسر لاہور سے آتے ہیں اس لئے دو ہفتے کی مہلت دی جائے۔

مزید پڑھیں: آمدن سے زائد اثاثہ جات ریفرنس؛ آغا سراج درانی عدالت میں پیش نہ ہو سکے

عدالت نے سماعت 20 جولائی کے لئے مقرر کرتے ہوئے نیب کو ہدایت کی کہ تفتیشی افسر کو حاضری یقینی بنایا جائے۔

واضح رہے کہ اسپیکر سندھ اسمبلی آغا سراج درانی آمدن سے زائد اثاثے بنانے کے الزام میں جیل میں ہیں تاہم محکمہ داخلہ سندھ آغا سراج درانی کے گھر کو سب جیل قرار دے رکھا ہے۔