لاہور :انسداد دہشت گردی عدالت نے جناح ہاؤس، جلاؤ گھیراؤ سمیت دیگر کیس میں پاکستان تحریک انصاف (پی ٹی آئی) کے  چیئرمین کی حاضری سے استثنیٰ کی درخواست پر فیصلہ محفوظ کرلیا ہے۔

تفصیلات کے مطابق لاہور کی انسداد دہشت گردی کی عدالت میں چیئرمین پی ٹی آئی کے خلاف جناح ہاؤس جلاؤ گھیراؤ سمیت دیگر کیس میں کی سماعت ہوئی۔

عدالت میں چیئرمین پی ٹی آئی کے وکیل نے ایک پیشی کیلئے استنثیٰ کی درخواست دائر کی جس میں کہا گیا کہ چیئرمین پی ٹی آئی کو گرفتار کرلیا گیا ہے، چیئرمین پی ٹی آئی کی اپیل آج دائر کررہے ہیں، سزا ایک ہفتے تک معطل ہو جانے کی امید ہے۔

وکیل درخواست گزار نے اپنے موقف میں کہا کہ چیئرمین پی ٹی آئی جلد اپنی آزادی کو انجوائے کرینگے۔ چیئرمین پی ٹی آئی باقاعدگی کے ساتھ عدالت پیش ہوتے رہے ہیں۔

فاضل جج نے استفسار کیا کہ آپ اپیل کی سماعت کے لیے مقرر ہونے اور سزا معطل ہونے پر اتنا پرامید کیوں ہیں۔

وکیل برہان معظم ایڈووکیٹ نے کہا کہ چیئرمین پی ٹی آئی آپکی عدالت میں پیش ہونا چاہتے ہیں حالات و واقعات ایسے ہیں وہ پیش نہیں ہوسکتے، آپ درخواست گزار کے پروٹیکشن آرڈر جاری کردیں، جس پر فاضل جج نے سوال کیا کہ اس پر سرکار کیا کہتی ہے؟

اسپیشل پراسکیوٹر فرہاد علی شاہ نے کہا کہ اس قانون بڑا صاف ہے آپ انکی ضمانتیں مسترد کریں۔

لاہور کی انسداد دہشت گردی کی عدالت نے جناح ہاؤس، جلاؤ گھیراؤ سمیت دیگر کیس میں چیئرمین پی ٹی آئی کی ضمانت کی درخواستوں میں پیشی کیلئے استنثیٰ کی درخواست پر فیصلہ محفوظ کر لیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں