اسلام آباد ہائی کورٹ نے شہریار آفریدی اور شاندانہ گلزار کو گرفتار نہ کرنے کے حکم میں توسیع کردی۔

اسلام آباد ہائیکورٹ کے جسٹس بابر ستار نے شہریار آفریدی اور شاندانہ گلزار کی ایم پی او کے تحت گرفتاری کے خلاف کیس کی سماعت کی۔  ڈپٹی کمشنر اسلام آباد اور ایس ایس پی آپریشنز عدالت میں پیش ہوئے۔

سماعت کے آغاز پر ایڈووکیٹ جنرل کی عدم دستیابی پر سرکاری وکیل نے سماعت ملتوی کرنے کی استدعا کی۔

جسٹس بابر ستار نے سرکاری وکیل سے سوال کیا کہ عدالت نے جو رپورٹس طلب کی تھیں وہ کہاں ہیں؟جس پر وکیل نے کہا کہ رپورٹ جمع کرانے کیلئے بھی کچھ وقت دیا جائے، ایڈووکیٹ جنرل اس معاملے پر دلائل دینگے۔

عدالت نے ڈپٹی کمشنر اور ایس ایس ایس پی آپریشنز پر فرد جرم کی کارروائی 7 ستمبر تک موخر کرتے ہوئے شہریار آفریدی اور شاندانہ گلزار کو گرفتار نہ کرنے کے حکم میں توسیع کردی۔

اسلام آباد ہائیکورٹ نے شہریار آفریدی اور شاندانہ گلزار کو اسلام آباد کی حدود سے کسی بھی مقدمے میں گرفتار نہ کرنے کا حکم دیتے ہوئے سماعت 6 ستمبر تک ملتوی کردی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں