لاہور: الیکشن ٹربینل نے تحریک انصاف کے رہنما حماد اظہر اور میاں اظہر کے کاغذات مسترد کرنے سے متعلق ریٹرننگ افسران کا فیصلہ کالعدم قرار دے دیا۔
تفصیلات کے مطابق اپیلیٹ ٹربیونل کے جسٹس طارق ندیم نے قومی اسمبلی کے حلقہ این اے 129 سے پی ٹی آئی رہنما حماد اظہر کے کاغذات نامزدگی مسترد کیے جانے کے خلاف اپیل پر سماعت کی۔
حماد اظہر اور میاں اظہر کے تجویز اور تائید کنندہ نے ٹربیونل کے سامنے پیش ہو کر تصدیق کا عمل مکمل کروایا۔
الیکشن ٹربینل نے پی پی 171 سے حماد اظہر اور انکے والد میاں اظہر کے کاغذات نامزدگی منظور کرتے ہوئے آر او کا فیصلہ کالعدم قرار دے دیا۔
اپیل میں موقف اختیار کیا گیا کہ جلاو گھیراؤ سمیت تمام مقدمات میں اپیل کنندہ کی ضمانتیں منظور ہوئیں، پولیس نے سیاسی بنیادوں پر تجویز کنندہ اور تائید کنندہ کو اسکروٹنی کے لیے پیش نہ ہونے دیا۔
Advertisement
درخواست گزار کی جانب سے کہا گیا کہ آر او نے کسی قانونی جواز کے بغیر کاغذات نامزدگی مسترد کیے۔
اپیل میں استدعا کی گئی کہ ٹربیونل آراو کا فیصلہ کالعدم قرار دیتے ہوئے الیکشن لڑنے کی اجازت دے۔
یاد رہے کہ ریٹرنگ افسر نے تجویز کنندہ اور تائید کنندہ کے پیش نہ ہونے پر دونوں کے کاغذات نامزدگی مسترد کر دیے تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
