چیئرمین سینیٹ صادق سنجرانی کو عہدے سے ہٹانے کی درخواست دائر

عبدالرحمان

04th Mar, 2024. 10:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیئرمین سینیٹ صادق سنجرانی کو عہدے سے ہٹانے کی درخواست دائر

لاہور: سینٹ اور صوبائی اسمبلی کی نشست رکھنے پر چیئرمین سینیٹ صادق سنجرانی کو عہدے سے ہٹانے کی درخواست دائر کردی گئی ہے۔

مقامی شہری مشکور حسین نے چیئرمین سینیٹ صادق سنجرانی کو عہدے سے ہٹانے کی درخواست لاہور ہائی کورٹ میں دائر کی ہے۔

درخواست میں موقف اختیار کیا گیا کہ صادق سنجرانی نے بلوچستان کی صوبائی اسمبلی کی نشست پر الیکشن لڑا، ان کے صوبائی اسمبلی سے انتخاب میں کامیاب ہونے پر الیکشن کمیشن نے نوٹیفکیشن بھی جاری کیا۔

درخواست گزار نے اپنے موقف میں کہا کہ صادق سنجرانی بیک وقت سینیٹ اور صوبائی اسمبلی کی نشست نہیں رکھ سکتے، ان کو چیئرمین سینیٹ کے عہدے پر فرائض کی ادائیگی سے روکا جائے ۔

درخواست میں استدعا کی گئی کہ عدالت الیکشن کمیشن کو صادق سنجرانی کی سینیٹ نشست خالی قرار دینے کا حکم دے۔

درخواست گزار نے عدالت سے مزید استدعا کی کہ صادق سنجرانی کو چیئرمین سینیٹ کے منصب پر کام کرنے سے بھی روکنے کا حکم دیا جائے۔