دفعہ 144 کی خلاف ورزی کا کیس؛ اعظم سواتی کی ضمانت کنفرم

ویب ڈیسک

23rd Apr, 2024. 12:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دفعہ 144 کی خلاف ورزی کا کیس؛ اعظم سواتی کی ضمانت کنفرم

ڈسٹرکٹ اینڈ سیشن کورٹ اسلام آباد نے دفعہ 144 کی خلاف ورزی کے کیس میں پاکستان تحریک انصاف (پی ٹی آئی) کے رہنما اعظم خان سواتی کی ضمانت کنفرم کر دی۔

اعظم سواتی کی درخواست ضمانت پر سماعت ایڈیشنل سیشن جج اویس محمد نے کی، اعظم سواتی اپنے وکیل علی بخاری کے ساتھ عدالت میں پیش ہوئے۔

اعظم سواتی کے وکیل علی بخاری نے درخواست ضمانت پر دلائل دیتے ہوئے کہا کہ اس کیس میں اعظم سواتی گرفتار ہوئے اور اگلے ہی روز ضمانت ہوگئی، عدم پیشی پر ان کی ضمانت خارج کرکے اشتہاری قرار دے دیا، اس کیس میں تمام دفعات قابل ضمانت ہیں۔

دورانِ سماعت وکیل علی بخاری نے سپریم کورٹ اور ہائیکورٹ کے فیصلوں کے حوالے بھی دیے۔

اعظم سواتی کے وکیل نے کہا کہ دفعہ 144 کی خلاف ورزی پر مدعی ضلع انتظامیہ کا صرف متعلقہ افسر بن سکتا، اس کیس میں پولیس افسر کو مدعی بنایا گیا ہے جو غیر قانونی ہے۔

عدالت نے دلائل سننے کے بعد اعظم سواتی کی ضمانت کنفرم کردی جبکہ ضمانت پانچ ہزار روپے مچلکوں کی عوض پر منظور کی گئی۔

واضح رہے کہ پاکستان تحریک انصاف کے رہنما اعظم سواتی کے خلاف 2014 کے دھرنوں میں دفعہ 144 کی خلاف ورزی پر مقدمہ درج کیا گیا تھا۔