آزادی مارچ کیس؛ بانی پی ٹی آئی سمیت متعدد رہنما 2 مقدمات میں بری

ویب ڈیسک

03rd Jun, 2024. 10:49 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آزادی مارچ کیس؛ بانی پی ٹی آئی سمیت متعدد رہنما 2 مقدمات میں بری

ڈسٹرکٹ اینڈ سیشن کورٹس اسلام آباد نےسابق وزیراعظم و بانی پاکستان تحریک انصاف (پی ٹی آئی) اور شاہ محمود قریشی سمیت متعدد رہنماؤں کو آزادی مارچ کے دوران توڑ پھوڑ سے متعلق 2 مقدمات میں بری کردیا۔

جوڈیشل مجسٹریٹ احتشام عالم نے پی ٹی آئی قیادت کے خلاف آزادی مارچ کے دوران توڑ پھوڑ اور دفعہ 144 کی خلاف ورزی پر درج دو مقدمات کی سماعت کی۔

پی ٹی آئی رہنما علی محمد خان، اسد عمر، نعیم حیدر پنجوتھا، سردار مصروف ایڈوکیٹ، آمنہ علی ایڈووکیٹ کے ہمراہ عدالت میں پیش ہوئے اور مام ملزمان نے بریت کی درخواستیں دائر کیں۔

عدالت نے بریت کی درخواستوں پر فیصلہ سناتے ہوئے بانی پی ٹی آئی، شاہ محمود قریشی، اسد عمر، علی محمد خان اور مراد سعید کو مقدمات سے بری کردیا۔

واضح رہے کہ بانی پی ٹی آئی، شاہ محمود قریشی و دیگر رہنماؤں کے خلاف تھانہ گولڑہ میں دو مقدمات درج تھے۔