190 ملین پاؤنڈز کیس؛ حتمی فیصلہ سنانے سے روکنے کے حکم میں توسیع

ویب ڈیسک

26th Sep, 2024. 03:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

190 ملین پاؤنڈز کیس؛ حتمی فیصلہ سنانے سے روکنے کے حکم میں توسیع

اسلام آباد ہائی کورٹ نے احتساب عدالت کو بانی پی ٹی آئی اور ان کی اہلیہ بشریٰ بی بی کے خلاف 190 ملین پاؤنڈز ریفرنس کا حتمی فیصلہ سنانے سے روکنے کے حکم میں توسیع کردی۔

چیف جسٹس اسلام آباد ہائیکورٹ عامر فاروق اور جسٹس میاں گل حسن اورنگزیب نے بانی پی ٹی آئی اور بشریٰ بی بی کی 190 ملین پاؤنڈز ریفرنس میں بریت کی درخواستوں پر سماعت کی۔

دوران سماعت نیب پراسیکیوٹر نے آج کی سماعت ملتوی کرنے کی استدعا کرتے ہوئے کہا کہ امجد پرویز ایڈوکیٹ عدالت پیش نہیں ہوسکے، کیس کی سماعت ملتوی کی جائے۔

چیف جسٹس عامر فاروق نے نیب پراسیکیوٹر کی جانب سے سماعت ملتوی کرنے کی استدعا منظور کرلی۔

نیب پراسیکیوٹر نے عدالت سے استدعا کی کہ ایڈیشنل سی ایم کی کاپی دے دیں، جس پر چیف جسٹس عامر فاروق نے کہا کہ اس ریکارڈ کے حوالے سے عدالت نے کوئی بھی آرڈر نہیں کیا۔

چیف جسٹس عامر فاروق نے ریمارکس دیے کہ ٹرائل کس مرحلے میں ہے کیا ہو رہا ہے ہم اس میں مداخلت نہیں کریں گے۔

بعدازاں عدالت عالیہ نے احتساب عدالت کو ٹرائل جاری رکھنے کی ہدایت کرتے ہوئے کیس کی مزید سماعت 2 اکتوبر تک ملتوی کر دی۔

واضح رہے کہ احتساب عدالت نے بریت کی درخواستیں مسترد کر دی تھیں۔