لاہور ہائی کورٹ نے مخصوص نشستوں کے فیصلے پر عملدرآمد کے لئے دائر درخواست پر تمام فریق سیاسی جماعتوں کو نوٹس جاری کردیے۔

جسٹس راحیل کامران شیخ نے مخصوص نشستوں کے فیصلے پر عملدرآمد کے لئے دائر درخواست پر سماعت کی۔ وفاقی حکومت کی جانب سے ایڈیشنل اٹارنی جنرل مرزا نصر عدالت میں پیش ہوئے۔

سماعت کے آغاز پر الیکشن کمیشن کے وکیل عمران رانجھا نے کیس سے متعلق جواب جمع کروایا اور کہا کہ درخواست گزار متاثرہ فریق نہیں لہذا درخواست مسترد کی جائے۔

ایڈیشنل اٹارنی جنرل مرزا نے کہا کہ الیکشن کمیشن نے دوبارہ سپریم کورٹ سے رجوع کیا ہے۔

عدالت نے استفسار کیا کہ کیا سپریم کورٹ میں درخواست سماعت کیلئے لگی ہے، الیکشن کمیشن نوٹیفکیشن پر نوٹیفکیشن نکالے جارہا ہے۔ سیاسی جماعتوں بالخصوص پی ٹی آئی کی طرف سے کون آیا۔

عدالت نے واضح کیا کہ آئین عامرانہ طور پر نہیں چلایا جاسکتا، سیاسی جماعتوں کا موقف سننا چاہتے ہیں۔

درخواست گزار کے وکیل نے استدعا کی کہ الیکشن ایکٹ میں کئی جانے والی ترامیم ماورائے آئین اقدام مقصد سیاسی جماعتوں کو فائدہ پہنچانا ہے۔

اس سے قبل رجسٹرار آفس سے پوچھا گیا کہ عدالتی حکم کے باوجود سیاسی جماعتوں کو نوٹس کیوں نہیں بھجوائے گئے۔

بعدازاں عدالت نے فریق بنائی گئی تمام سیاسی جماعتوں کو نوٹس جاری کرتے ہوئے جواب طلب کرلی اور کیس کی مزید سماعت 9 اکتوبر تک ملتوی کردی۔