سابق صدر عارف علوی کے ڈینٹل کلینک سیل کیے جانے پر اہلخانہ کا عدالت سے رجوع

عبدالحسیب خان

04th Oct, 2024. 10:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابق صدر عارف علوی کے ڈینٹل کلینک سیل کیے جانے پر اہلخانہ کا عدالت سے رجوع

کراچی: سابق صدر ڈاکٹر عارف علوی کے ڈینٹل کلینک سیل کیے جانے کے معاملے پر ان کی اہلیہ ثمینہ علوی اور بیٹے عواب علوی نے سندھ ہائی کورٹ سے رجوع کرلیا۔

درخواست میں مؤقف اپناتے ہوئے کہا گیا ہے کہ سندھ کنٹرول بلنڈنگ اتھارٹی نے سندھی مسلم سوسائٹی میں واقع ڈینٹل کلینک سیل کیا، کلینل سیل کرنے کی وجہ محض سیاسی انتقام ہے۔

درخواستگزار کے وکیل کے مطابق ڈاکٹر عارف علوی کو صرف سیاسی بنیادوں پر ہراساں کیا جارہا ہے، ڈینٹل کلینک طویل عرصے سے موجود ہے، سیل کرنے سے پہلے کوئی نوٹس نہیں دیا گیا۔

واضح رہے کہ گزشتہ روز کراچی میں قائم سابق صدر عارف علوی کا ڈینٹل کلینک سیل کر دیا گیا تھا۔

سندھ بلڈنگ کنٹرول اتھارٹی (ایس بی سی اے) کی جانب سے جاری اعلامیے میں کہا گیا تھا کہ ڈینٹل کلینک رہائشی بنگلے میں قائم تھا، جس پر سابق صدر کو مراسلہ بھیج کر خبردار کیا گیا تھا تاہم اس پر کوئی عملدرآمد نہیں کیا گیا۔

اعلامیے کے مطابق کلینک کو سندھ بلڈنگ کنٹرول اتھارٹی نے سیل کیا اور کارروائی میں ایس بی سی اے پولیس کی بھاری نفری نے حصہ لیا، عارف علوی کا ڈینٹل کلینک کراچی کے علاقے سندھی مسلم سوسائٹی میں واقع ہے۔