خالد محمود سومرو قتل کیس: تمام ملزمان کو عمر قید اور بھاری جرمانے کی سزا

شاہد علی

20th Dec, 2024. 12:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خالد محمود سومرو قتل کیس: تمام ملزمان کو عمر قید اور بھاری جرمانے کی سزا

سکھر کی انسداد دہشت گردی عدالت نے جمعیت علماء اسلام (جے یو آئی) کے رہنما ڈاکٹر خالد محمود سومرو قتل کیس کا فیصلہ سناتے ہوئے تمام 6 ملزمان کو جرم ثابت ہونے پر عمر قید اور بھاری جرمانے کی سزا سنادی۔

انسداد دہشت گردی عدالت کے جج عبدالرحمان قاضی نے جے یو آئی کے رہنما خالد محمود سومرو قتل کیس کا 13 دسمبر کو محفوظ کیا گیا مختصر فیصلہ سنایا۔

عدالت نے تمام 6 ملزمان حنیف بھٹو، مشتاق مہر، الطاف جمالی، لطف جمالی، سارنگ اور دریا خان جمالی کو جرم ثابت ہونے پر عمر قید اور بھاری جرمانے کی سزا سنائی۔

عدالت نے ملزمان کو قتل اور دہشت گردی کے الزام میں عمر قید اور اسلحہ کے الزام میں 7، 7 سال قید کی سزا سنائی، تاہم تمام ملزمان 2014 سے سینٹرل جیل میں قید میں ہیں۔

دوسری جانب مرحوم کے بیٹے مولانا راشد محمود سومرو نے عدالت کی جانب سے سنائی گئی سزا پر ردعمل دیتے ہوئے کہا ہے کہ جرم ثابت ہونے پر سزائے موت ہونی چاہیے، ہائی کورٹ کا دروازہ کھٹکھٹائیں گے۔

انہوں نے مزید کہا کہ ادھورا انصاف ملا ہے، امن کے ساتھ انصاف حاصل کرنے کیلئے کوششیں جاری رکھیں گے۔