عافیہ صدیقی کیس؛وزیراعظم نےامریکہ جانے والےوفد سےمتعلق سمری پردستخط کردیے

عافیہ صدیقی کیس؛ وزیراعظم نے امریکہ جانے والے وفد سے متعلق سمری پر دستخط کردیے

ویب ڈیسک

02nd Dec, 2024. 12:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عافیہ صدیقی کیس؛ وزیراعظم نے امریکہ جانے والے وفد سے متعلق سمری پر دستخط کردیے

اسلام آباد: عافیہ صدیقی کی صحت یابی اور رہائی سے متعلق ڈاکٹر فوزیہ صدیقی کی درخواست پر اہم پیشرفت سامنے آئی ہے، وزیر اعظم شہباز شریف نے عافیہ صدیقی کیس میں امریکہ جانے والے وفد کو مالی معاونت فراہم کرنے کی سمری پر دستخط کر دیے ہیں۔

جسٹس سردار اعجاز اسحاق خان نے اسلام آباد ہائیکورٹ میں ڈاکٹر عافیہ صدیقی کی صحت یابی اور رہائی سے متعلق درخواست پر سماعت کی۔

ڈاکٹر فوزیہ صدیقی کے وکیل عمران شفیق، عدالتی معاون زینب جنجوعہ، ایڈیشنل اٹارنی جنرل اور نمائندہ وزارت خارجہ عدالت میں پیش ہوئے۔

ایڈیشنل اٹارنی جنرل منور اقبال دوگل نے اسلام آباد ہائی کورٹ کو آگاہ کیا کہ وزیراعظم شہباز شریف نے امریکہ جانے والے وفد اور اس کے لیے درکار مالی اخراجات سے متعلق سمری پر دستخط کردیے ہیں۔

نمائندہ وزارت خارجہ نے بتایا کہ وفد کے ویزوں سے متعلق درخواست وزارت خارجہ نے بھیج دی ہے امید ہے ایک ہفتے تک منظوری ہو جائے گی، ہم ڈاکٹر فوزیہ صدیقی کی ہر ممکن مدد کر رہے ہیں۔

ایڈیشنل اٹارنی جنرل نے کہا کہ ذاتی وجوہات کی بنا پر سینیٹر عرفان صدیقی وفد کے ساتھ نہیں جا سکتے، حکومت کی جانب سے سینیٹر بشریٰ وفد کے ساتھ امریکہ جائیں گئی۔

بعدازان عدالت نے کیس کی مزید سماعت 13 جنوری تک ملتوی کر دی۔