190 ملین پاؤنڈ ریفرنس: بانی پی ٹی آئی اور بشریٰ بی بی کیخلاف فیصلہ پھر مؤخر

ویب ڈیسک

13th Jan, 2025. 10:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

190 ملین پاؤنڈ ریفرنس: بانی پی ٹی آئی اور بشریٰ بی بی کیخلاف فیصلہ پھر مؤخر

راولپنڈی: بانی پی ٹی آئی اور ان کی اہلیہ بشریٰ بی بی کے خلاف 190 ملین پاؤنڈ ریفرنس کا فیصلہ ایک بار پھر مؤخر ہو گیا۔

190 ملین پاؤنڈ ریفرنس میں احتساب عدالت کے جج ناصر جاوید رانا نے آج فیصلہ سنانا تھا تاہم ریفرنس کا فیصلہ آج ایک بار بھر تبدیل کردیا گیا۔

بانی پی ٹی آئی کی تینوں بہنیں اڈیالہ جیل پہنچ گئی تھیں جبکہ بانی پی ٹی آئی اور بشریٰ بی بی عدالت میں پیش نہ ہوئیں، جس کی وجہ سے ریفرنس کا فیصلہ نہ سنایا جا سکا۔

جج ناصر جاوید رانا صبح 9 بجے سے ملزمان بانی پی ٹی آئی اور بشریٰ بی بی کا انتظار کرتے رہے، نہ بشریٰ بی بی پہنچی، نہ ہی بانی پی ٹی آئی عدالت میں پیش ہوئے اور نہ ہی ملزمان کے وکلاء پہنچے جس کے بعد جج ساڑھے دس بجے چلے گئے۔

بانی پی ٹی آئی اور بشریٰ بی بی کے خلاف 190 ملین پاؤنڈ کا فیصلہ ایک مرتبہ پھر مؤخر کردیا گیا، تاہم فیصلہ اب 17 جنوری کو سنایا جائے گا۔

واضح رہے کہ عدالت نے 190 ملین پاؤنڈ ریفرنس کا فیصلہ 18 دسمبر کو محفوظ کیا تھا، پہلے 23 دسمبر کو کیس کا فیصلہ سنائے جانے کی تاریخ مقرر کی گئی تھی تاہم عدالت نے فیصلہ سنائے جانے کی تاریخ ملتوی کر کے 6 جنوری مقرر کی تھی اور جب بھی فیصلہ نہیں سنایا گیا تھا۔