زیر التوا کیسز کی تعداد میں کمی آرہی ہے، چیف جسٹس پشاور ہائیکورٹ

ویب ڈیسک

09th Jan, 2025. 12:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زیر التوا کیسز کی تعداد میں کمی آرہی ہے، چیف جسٹس پشاور ہائیکورٹ

پشاور: چیف جسٹس پشاور ہائیکورٹ جسٹس اشتیاق ابراہیم نے کہا ہے کہ زیر التوا کیسز کی تعداد میں کمی آرہی ہے۔

پشاور ہائیکورٹ کے چیف جسٹس اشتیاق ابراہیم نے تقریب سے خطاب کرتے ہوئے کہا کہ خیبرپختونخوا کی متعدد جیلوں میں گنجائش کی کمی ہے، صوبے کی اکثر جیلوں میں قیدیوں کو موسمی صورتحال کے مطابق سہولیات کی فراہمی کی کمی ہے۔

انہوں نے کہا کہ خواتین اور جوینائل کی جیلوں میں سہولیات کی فراہمی ضروری ہے، 2007 کو میں خود بھی جیل میں رہا ہوں، دارالامان کو صرف ایک اعلامیہ کی بنیاد پر چلایا جارہا ہے،اس کیلئے کوئی خاص قانون سازی نہیں کی گئی ہے۔

جسٹس اشتیاق ابراہیم نے کہا کہ منشیات کے کیسز میں گرفتار قیدیوں میں 90 فیصد قیدی منشیات کے عادی ہیں، منشیات کے کیسز میں گرفتار قیدیوں کی وجہ سے جیلوں پر شدید بوجھ ہے۔

چیف جسٹس پشاور ہائیکورٹ نے مزید کہا کہ زیر التوا کیسز کی تعداد میں کمی آرہی ہے، اپنی طرف سے بھرپور کوشش کر رہے ہیں کہ زیر التوا کیسز میں کمی آئے، 100 قیدیوں کی گنجائش والی جیلوں میں 400 قیدیوں کو رکھا جارہا ہے۔