9 مئی مقدمات؛ 104 ملزمان کی عبوری ضمانتوں میں توسیع

عبدالرحمان

14th Jan, 2025. 11:08 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

9 مئی مقدمات؛ 104 ملزمان کی عبوری ضمانتوں میں توسیع

لاہور: انسداد دہشت گردی عدالت نے 9 مئی کے مقدمات میں ملوث 104 ملزمان کی عبوری ضمانتوں میں توسیع کر دی۔

جج ارشد جاوید نے انسداد دہشت گردی عدالت میں 9 مئی کے مقدمات کی عبوری ضمانت کی درخواستوں پر سماعت کی۔

فواد چوہدری، اسد عمر عدالت میں پیش ہوئے، شاہ محمود قریشی، اعظم سواتی کے جیل وارنٹ پیش کیے گئے جبکہ علیمہ خانم اور عظمیٰ خانم کی حاضری معافی درخواست کر دی گئی۔

درخواست میں موقف اپنایا گیا کہ علیمہ خان اور عظمیٰ خان بانی پی ٹی آئی سے ملنے اڈیالہ جیل گئی ہیں، بانی پی ٹی آئی سے آج فیملی کی ملاقات کا دن ہے، حاضری معافی منظور کی جائے۔

ایڈووکیٹ نجیب فیصل نے عدالت کو بتایا کہ متعدد ضمانتوں کی سماعت سپریم کورٹ میں زیر التواء ہیں، سپریم کورٹ کے فیصلے تک ضمانتوں پر کارروائی نہ کی جائے، تمام ملزمان ایک ہی طرز کے کیسوں میں نامزد ہیں۔

بعدازاں عدالت نے علیمہ خان، عظمیٰ خان، اسد عمر، عمر ایوب، فواد چوہدری سمیت 104 ملزمان کی عبوری ضمانتوں میں 12 فروری تک توسیع کر دی۔