ڈاکٹرعافیہ صدیقی کے امریکہ میں وکیل کلائیو اسمتھ کا پاکستان آنے کا فیصلہ

ویب ڈیسک

14th Apr, 2025. 11:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈاکٹرعافیہ صدیقی کے امریکہ میں وکیل کلائیو اسمتھ کا پاکستان آنے کا فیصلہ

اسلام آباد: رہائی اور وطن واپسی سے متعلق کیس میں ڈاکٹر عافیہ صدیقی کے امریکہ میں وکیل مسٹر کلائیو اسمتھ نے پاکستان آنے کا فیصلہ کر لیا۔

اسلام آباد ہائی کورٹ کے جسٹس سردار اعجاز اسحاق خان نے ڈاکٹر عافیہ صدیقی کی رہائی اور وطن واپسی سے متعلق کیس کی سماعت کی۔

نئے تعینات ہونے والے ایڈیشنل اٹارنی جنرل عمر اسلم عدالت میں پیش نہ ہو سکے۔

سماعت کے دوران وکیل عمران شفیق ایڈوکیٹ نے عدالت کو آگاہ کیا کہ مسٹر کلائیو اسمتھ 4 مئی کو پاکستان آرہے ہیں۔

عدالت نے عمران شفیق ایڈووکیٹ کی مسٹر کلائیو اسمتھ سے مشاورت کے لیے وقت دینے کی استدعا منظور کرلی۔

دوران سماعت وکیل عمران شفیق نے استدعا کی کہ کلائیو اسمتھ 4 مئی کو پاکستان آرہے ہیں، اگلی سماعت 6 مئی کو رکھ لیں۔

عدالت نے لاء افسر اور وزارت خارجہ حکام سے استفسار کیا کہ آپ کو اگر اعتراض نہیں تو ہم چھ مئی کو سماعت رکھتے ہیں، جس پر لاء افسر نے جواب دیتے ہوئے کہا کہ ہمیں اعتراض نہیں، سماعت 6 مئی کو رکھ لی جائے۔

بعدازاں عدالت نے ڈاکٹر عافیہ صدیقی سے متعلق کیس کی مزید سماعت 6 مئی تک ملتوی کردی۔