سندھ ہائیکورٹ نے کراچی میں جاری غیر اعلانیہ لوڈشیڈنگ پر برہمی کا اظہار کرتے ہوئے کے الیکٹرک سے تفصیلی رپورٹ طلب کر لی ہے۔
یہ کارروائی ایک شہری کی جانب سے دائر کی گئی درخواست پر عمل میں آئی، جس میں مؤقف اختیار کیا گیا کہ علاقے میں نہ کوئی لائن لاسز ہیں اور نہ ہی کوئی صارف ڈیفالٹر ہے، اس کے باوجود طویل اور غیر اعلانیہ لوڈشیڈنگ کی جا رہی ہے۔
درخواست گزار نے عدالت کو بتایا کہ علاقے کے تمام صارفین بروقت بل ادا کرتے ہیں، اس کے باوجود روزانہ کئی کئی گھنٹے بجلی غائب رہتی ہے، یہ صورتحال شدید ذہنی اور جسمانی تکلیف کا باعث بن رہی ہے۔
Advertisement
مزید پڑھیں: کے الیکٹرک کی غیراعلانیہ لوڈشیڈنگ، شہری مشکلات کا شکار
کے الیکٹرک کے نمائندے نے عدالت کو یقین دلایا کہ چند دنوں میں درخواست گزار کا مسئلہ حل کر دیا جائے گا، تاہم عدالت نے جواب پر عدم اطمینان کا اظہار کیا۔
جسٹس آغا فیصل نے کے الیکٹرک حکام کو ہدایت دیتے ہوئے کہا کہ جو کچھ کرنا ہے کریں لیکن غیراعلانیہ لوڈشیڈنگ سے متعلق مکمل رپورٹ عدالت میں پیش کریں۔
بعدازاں عدالت نے کیس کی مزید سماعت آئندہ تاریخ تک ملتوی کرتے ہوئے کے الیکٹرک کو ہدایت کی کہ تفصیلی وضاحت کے ساتھ آئندہ سماعت پر پیش ہو۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
