9 مئی کیس: احمد خان بھچر سمیت 32 پی ٹی آئی کارکنوں کو 10،10 سال قید کی سزا

ویب ڈیسک

22nd Jul, 2025. 04:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

9 مئی کیس: احمد خان بھچر سمیت 32 پی ٹی آئی کارکنوں کو 10،10 سال قید کی سزا
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

9 مئی کیس: احمد خان بھچر سمیت 32 پی ٹی آئی کارکنوں کو 10،10 سال قید کی سزا

انسداد دہشت گردی کی عدالت (اے ٹی سی) سرگودھا نے 9 مئی 2023 کے میانوالی میں ہونے والی ہنگامہ آرائی اور توڑ پھوڑ کے مقدمے کا محفوظ فیصلہ سنا دیا۔

عدالت نے پنجاب اسمبلی کے اپوزیشن لیڈر احمد خان بھچر سمیت پاکستان تحریک انصاف (پی ٹی آئی) کے 32 کارکنان کو 10،10 سال قید کی سزا سنائی ہے۔

یہ مقدمہ تھانہ موسیٰ خیل میں مقدمہ نمبر 72/2023 کے تحت درج کیا گیا تھا، جس میں پی ٹی آئی رہنماؤں پر سرکاری املاک کو نقصان پہنچانے، ہنگامہ آرائی اور دہشت گردی کی دفعات کے تحت الزامات عائد کیے گئے تھے۔

مزید پڑھیں: آزادی مارچ ہنگامہ آرائی کیس: بانی پی ٹی آئی، شاہ محمود اور شیخ رشید مقدمے سے بری

سزا پانے والوں میں احمد خان بھچر کے ساتھ ساتھ ایم این اے رانا بلال، احمد چٹھہ اور دیگر اہم رہنما بھی شامل ہیں جبکہ عدالت نے پی ٹی آئی کے مزید 80 کارکنان کو بھی مجرم قرار دیا ہے، جن میں سے کئی کے خلاف مختلف نوعیت کے الزامات تھے۔

پی ٹی آئی کے وکلاء نے عدالتی فیصلے پر شدید ردعمل دیا اور اسے سیاسی انتقام قرار دیتے ہوئے کہا کہ وہ اس فیصلے کے خلاف اعلیٰ عدلیہ میں اپیل دائر کریں گے۔

انسداد دہشت گردی عدالت کا یہ فیصلہ ایسے وقت میں سامنے آیا ہے جب 9 مئی کے واقعات پر ملک بھر میں درج مقدمات کی سماعتیں تیزی سے جاری ہیں اور درجنوں کارکنان اور رہنما عدالتی کارروائی کا سامنا کر رہے ہیں۔