شہر قائد میں دہشت گردوں نے دوبارہ سر اٹھانا شروع کردیا ہے، یک بعد دو مختلف مقامات پر دہشتگردوں کی جانب سے رینجرز کو نشانہ بنانے کی کوشش ناکام بنادی گئی۔

تفصیلات کے مطابق پہلا حملہ گلستان جوہر میں رینجرز کی موبائل پر دہشتگردوں نے کریکر بم سے کیا جس کے نتیجے میں ایک اہلکار زخمی اور رینجرز موبائل تباہ ہوگئی۔

دوسرا حملہ شاہ لطیف ٹاؤن میں کیا گیا جبکہ شاہ لطیف ٹاٶن میں پرارسرار دھماکے کے نتیجے میں بھی ایک اکرام نامی راہگیر زخمی ہوا ہے۔

اس حوالے سے بم ڈسپوزل یونٹ کا کہنا ہے کہ بم دیسی ساختہ ہینڈ کریکر تھا جس میں زیادہ بارود موجود نہیں تھا جبکہ دونوں مقامات پر حملے کیلۓ استعمال دیسی ساختہ کریکروں کے بارود اور ساخت میں مماثلت پاٸی گٸی ہے۔

تحقیقاتی وا تفتیشی اداروں نے کریکر حملوں میں قوم پرست گروپوں سے وابستہ عناصر کے ملوث ہونے پر شبہ ظاہر کردیا ہے۔

دوسری جانب شاہ لطیف ٹاؤن میں بم دھماکے میں زخمی نوجوان محمد اکرم کا بیان سامنے آگیا ہے جس نے بتایا ہے کہ وہ فیکٹری میں بھائی کو سامان دینے جارہا تھا، جونہی چڑھائی سے اترا  کوئی چیز زور دار دھماکے سے پھٹی تھیں۔

زخمی نے بتایا کہ میں کچھ فاصلے پر گرا تو رینجرز اہلکاروں نے آکر ریسکیو کیا اور میں نے رینجرز کو تمام صورتحال سے آگاہ کیا۔

زخمی کا کہنا تھا کہ جہاں دھماکا ہوا قریب رینجرز کی چوکی ہے اور موبائل بھی کھڑی تھی اور گیند نما چیز میں جس میں باردو تھا جو کہ تھوڑی دیر میں دھماکے سے پھٹا تھا۔