پاکستان اور چین کے درمیان مشترکہ فضائی مشقوں “شاہین 10” کا آج سے آغاز ہورہا ہے۔

تفصیلات کے مطابق پاک چین مشترکہ فضائی تربیتی مشقیں شاہین 10 اس بار چین کی میزبانی میں منعقد کی جا رہی ہیں، مشترکہ مشقیں چین کے شمال مغربی علاقوں جی چوان اور یی شوآن میں منعقد ہوں گی۔

اس حوالے سے چینی وزارت دفاع کے ذرائع نے بتایا کہ مشقوں سے چین اور پاکستان کی فضائی افواج کے درمیان تعاون کو فروغ ملے گا، شاہین 10 سے پاکستانی اور چینی پائلٹس کی جنگی تربیت کو بہتر بنانے میں مدد ملے گی۔

ذرائع کے مطابق پاک فضائیہ کے فور پوائنٹ فائیو جنریشن اومنی رول جے ٹین سی طیارے پہلی بار بیرون ملک مشقوں میں حصہ لے رہے ہیں، پاک فضائیہ کے ایف سکسٹینز اور جے ایف سیونٹین تھنڈرز بھی مشقوں میں شامل ہیں۔

اس کے علاوہ پی ایل اے ائیرفورس کے جے 10 سی، جے 11 اور جے 16 بھی مشقوں میں شامل ہیں۔

ذرائع کا کہنا ہے کہ شاہیں 10 میں مختلف کومبیٹ مشنز کے حوالے سے تربیت پر توجہ مرکوز کی جائے گی، زمینی حملے، ائِر ٹو ائیر کومبیٹ، الیکٹرانک کائونٹر مئیرز اور الیکٹرانک کائونٹر کائونٹز  مئیرز بھی مشقوں کا حصہ ہیں۔

چینی وزارت دفاع کے ذرائع نے مزید بتایا کہ مشقوں کے دوران بحری اہداف کو نشانہ بنانے کے ساتھ زمین سے فضا میں اہداف کو نشانہ بنانے کی مشق بھی کی جائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں