اتراکھنڈ میں 40 مزدور سرنگ کی کھدائی کے دوران ملبے تلے پھنس گئے تھے، تاہم 6 روز سے زائد دن گزر جانے کے باوجود مزدوروں کو اب تک نہ نکالا جاسکا۔
تفصیلات کے مطابق مودی کے ہندوستان میں انسانی جان سستی ہوگئی ہے، 11 نومبر کو اتراکھنڈ میں 40 مزدور سرنگ کی کھدائی کے دوران ملبے تلے پھنس گئے، سرنگ کی کھدائی کے دوران لینڈ سلائیڈنگ کے باعث 40 مزدور ملبے کے نیچے دب گئے۔
الجزیرہ کی رپورٹ کے مطابق مزدوروں کو ملبے تلے پھنسے 6 دن سے بھی زیادہ گزر گئے لیکن ابھی تک امدادی کارروائیاں کامیاب نہ ہوسکیں، سرنگ میں پھنسے مزدوروں کی صورتحال نہایت سنگین ہوگئی۔
بزنس ریکارڈر کے مطابق سرنگ میں پھنسے 40 مزدور ادویات اور کھانے پینے کی اشیاء سے محروم ہیں جبکہ دی وائر کی رپورٹ میں کہا گیا ہے کہ مودی سرکار اور ہندوستانی میڈیا غریب مزدوروں کی حالت زار پر خاموش ہے۔
اشوک سوئین کا کہنا ہے کہ ہندوستان میں انسانی جان مزید سستی ہوگئی، 40 مزدوروں کو سرنگ میں پھنسے 6 دن گزر گئے لیکن ہندوستان خاموش ہے۔
ذرائع نے بتایا کہ سرنگ میں پھنسے مزدوروں کی امداد کے لیے جو مشینری بھیجی گئی وہ بھی ناقص اور خراب ہے، خراب مشینری کے باعث ریسکیو کارروائیاں مزید تاخیر کا شکار ہو رہی ہیں۔
مودی سرکار کی انتظامیہ نے ریسکیو میں ناکامی کے بعد تھائی اور نارویجین کمپنیوں سے مدد طلب کرلی ہے۔
دوسری جانب سرنگ کے باہر مزدوروں اور مقامی لوگوں کا وسیع پیمانے پر مودی سرکار کے خلاف احتجاج شروع کردیا ہے، مظاہرین کا کہنا ہے کہ انتظامیہ جان بوجھ کر ریسکیو کارروائیوں میں سستی دکھا رہی ہے۔
واضح رہے کہ سلکیارا اور دندلگاؤں کے قصبوں کے درمیان اترکاشی اور یمونوتری کو جوڑنے کے لیے 4.5 کلومیٹر کی سرنگ بنائی جا رہی تھی، جو ہندوؤں کے دو مقدس ترین مقامات ہیں، یہ سرنگ وزیر اعظم نریندر مودی کے مشہور ہندو مندروں کے ساتھ چین کی سرحد سے متصل علاقوں کے درمیان سفری حالات کو بہتر بنانے کے منصوبے کا حصہ ہے۔
ماہرین نے اتراکھنڈ میں وسیع پیمانے پر تعمیرات کے منفی اثرات اور لینڈ سلائیڈنگ کے خطرات کے بارے میں مودی سرکار کو پہلے ہی خبردار کیا تھا۔
رپورٹس کے مطابق بھارت میں تعمیرات کے بڑے منصوبوں کے دوران حادثات عام ہیں، جنوری 2023 کو اتراکھنڈ میں سیلاب میں 200 سے زائد افراد اپنی جان سے ہاتھ دھو بیٹھے تھے۔
عرب نیوز کے مطابق ماہرین نے سیلاب اور حادثے کی وجہ غیر ضروری تعمیرات بتائی جبکہ جولائی 2023 کو مہاراشٹرا میں 27 افراد لینڈ سلائیڈنگ اور ریسکیو ٹیم کی ناکامی کے باعث ہلاک ہوگئے۔
اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کولائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News