شمالی وزیرستان سے پولیو کے خاتمے سے متعلق اہم اعلان سامنے آیا ہے۔

تفصیلات کے مطابق اتمانزئی جرگہ نے پولیو جیسی مہلک بیماری کے تدارک کیلئے پاک فوج اور حکومت کے ساتھ مل کر مہم چلانے کا اعلان کر دیا۔

اتمانزئی جرگہ شمالی وزیرستان کے معتبر اور سینئر مشران پر مشتمل ایک علاقائی کمیٹی ہے، جس کا کہنا ہے کہ پاک فوج خیبرپختونخوا حکومت کے ساتھ شمالی وزیرستان سمیت دیگر ضم شدہ اضلاع میں پولیو وائرس مکمل خاتمے کیلئے کام کر رہی ہے۔

 جرگے کے اعلان سے شمالی وزیرستان میں آنے والی نسلوں کو پولیو جیسے مہلک مرض سے بچایا جا سکے گا۔

انکا کہنا تھا کہ آئندہ بھی علاقے کے لوگ پاک فوج کے شانہ بشانہ کھڑے ہو کر ملکی خوشحالی اور ترقی میں حصہ لیں گے۔

اتمانزئی جرگہ نے سیکیورٹی فورسز اور حکومتی اداروں سے شعور اجاگر کرنے اور پولیو آگاہی مہم میں مثبت کردار ادا کرنے پر اظہار تشکر کیا اور کہا کہ پولیو سے پاک وزیرستان ہی خوشحال پاکستان کی ضمانت ہے۔

وائلڈ پولیو وائرس

یاد رہے کہ اس سال پاکستان میں وائلڈ پولیو وائرس کے 2 مثبت کیسز بنوں کے پی سے رپورٹ ہوئے، جبکہ سندھ میں جولائی 2020 سے پولیو کا ایک بھی کیس رپورٹ نہیں ہوا۔

ستمبر 2023 میں کراچی کے پانچ اضلاع سے پولیو کے مثبت ماحولیاتی نمونے حاصل کیے گئے ہیں، تاہم کراچی میں پولیو وائرس کا افغانستان کے مختلف حصوں سے منسلک ہونا باعث تشویش ہے۔

مزید برآں پولیو ایک شدید متاثر کن وائرس سے پھیلنے والی بیماری ہے جو عام طور پر پانچ سال تک کے بچوں کو متاثر کرتی ہے، پولیو وائرس ایک انسان سے دوسرے شخص تک منتقل ہو سکتا ہے اور یہ معمولاً منہ کے راستے سے پھیلتا ہے۔

 اس کے علاوہ پولیو وائرس متعدی پانی یا خوراک کے ذریعے بھی منتقل ہو سکتا ہے، جب یہ وائرس جسم میں داخل ہوتا ہے، تو وہ انسانی اعصابی نظام میں پھیل کر فالج کا باعث بننے کی ابتدائی مراحل کو طے کرتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.facebook.com/BOLUrduNews/ کولائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔